खेताला उमेद्धार अगाडि सार्नेदेखि चिट चोर्नेसम्मका परीक्षार्थी ! त्यसमा पनि सबैभन्दा बढी सुरक्षा संगठनतर्फ । यस्तो देखिएको हो,लोकसेवाको परीक्षामा ।
आयोगले ०७३/७४ देखि सुरक्षा निकायको विज्ञापन गर्दै आएको छ । जसमा पछिल्लो पटकमात्र ५९ परीक्षार्थी अनियमिततामा डामिएका छन्,जसमा सबैभन्दा बढी छन्,सुरक्षा निकायतर्फ,त्यसमा पनि प्रहरीतर्फ सबैभन्दा धेरै छन् ।

Advertisement 1

आयोगका अनुसार खेताला लगाएर परीक्षा दिनेमा सबैभन्दा बढी नेपाल प्रहरीतर्फका परीक्षार्थी छन्, नेपाल प्रहरीतर्फ १९ र नेपाली सेनामा १ जना गरी २० खेताला परीक्षार्थी फन्दामा परेको आयोगले जनाएको छ । प्रहरीतर्फको परीक्षामा चिट चोर्ने ५,राष्ट्रिय अनु्सन्धान विभागको परीक्षामा चिट चोर्ने १ र सशस्त्र प्रहरीतर्फ ९ जनाले परीक्षार्थी फन्दामा परेका हुन । यस्तै इलेक्ट्रोनिक्स डिभाइस (साइन्टिफिक क्याल्कुलेटर, स्मार्ट वाच, मोबाइल आदि) प्रयोग गरेको अभियोगमा नेपाल प्रहरीतर्फ ५,सशस्त्र प्रहरीतर्फ १ जना,उत्तर पुस्तिका आफैंसँग लिएर जाने ९ जना परीक्षार्थी भेटिए । नेपाल प्रहरीको परीक्षामा २७ पुरुष र ३ महिला गरी जम्मा ३० जनाले अनियमितता गरेको लोकसेवाले जनाएको छ । यसैगरी चिट चोरेका र इलेक्ट्रोनिक्स डिभाइस प्रयोग गरेका ५/५ जना छन् । एक जनाले उत्तर पुस्तिका आफैंसँग लिएर हिडेको आयोगले जनाएको छ । यसमध्ये ३ जनालाई पाँच वर्षसम्म परीक्षा दिन नपाउने गरी कारबाही गरिएको छ । यसैगरी ४ जनालाई ३ वर्षसम्म, २ जनालाई २ वर्षसम्म र १९ जनालाई १ वर्षसम्म परीक्षा दिन नपाउने गरी कारबाही गरिएको छ । २ जनाको भने परीक्षा नै रद्द गरिएको लोक सेवा आयोगले जनाएको छ । यसैगरी सशस्त्र प्रहरी बलतर्फ चिट चोरेका ९ जना र इलेक्ट्रोनिक्स डिभाइस प्रयोग गरेको १ जना गरी १० जना कारबाहीमा परेका छन् ।

आयोगका अनुसार नेपाल बैंकको परीक्षामा अनियमितता गर्ने ३,नेपाल विद्युत प्राधिकरणको परीक्षामा १,राष्ट्रिय वाणिज्य बैंकको परीक्षामा ३ परीक्षार्थीले अनियमितता गर्दा नेपाल प्रहरीतर्फ ३२,सशस्त्र प्रहरीतर्फ १०, नेपाली सेनामा १ र राष्ट्रिय अनुुसन्धान विभागको परीक्षामा अनियमितता गर्ने २ परीक्षार्थी कारवाहीमा परेका हुन ।

Advertisement 2

क्षेत्रीय वर्चश्व
लोकसेवाको पछिल्ला प्रतिवेदनहरु केलाउने हो भने निजामती सेवामा अझैं पनि क्षेत्रीय वर्चश्व देखिन्छ । समावेशी त भनिएको छ तर त्यसले पनि वर्गलाई हेर्न सकेको छैन । अझैं पनि निजामती सेवामा स्याङ्गजा,गुल्मी,मोरङ,अर्घाखाँची,झापा जिल्लाकै वर्चश्व छ ।पछिल्लो आर्थिक बर्षमा स्याङ्गजाबाट मात्र १२२ जनाले निजामती सेवामा पाइला राखेका छन् । यो गत बर्ष सिफारिस भएकामध्येको ४ दशमलव ५७ प्रतिशत हो । गुल्मीबाट १०५,अर्घाखाँची ६८,कास्की ६४,झापा ६३,पाल्पाबाट ४३ जनाले निजामतीका रुपमा सेवा प्रवेश गर्दा मनाङबाट शून्य,बाजुरा,रसुवा,मुस्ताङजस्ता पिछडिएका जिल्लाबाट एक÷एकमात्र सिफारिस भएका छन् । लोकसेवाका परीक्षामा लामो समयदेखि नै यी जिल्लाको वर्चस्व रहने गरेको छ । विगतदेखि नै निजामती सेवा प्रवेशमा इलाम, भोजपुर, खोटाङको वर्चस्व देखिन्थ्यो भने पछिल्ला दिनमा स्याङ्जा, पर्वत, बाग्लुङ तथा पाल्पा, गुल्मी, अर्घाखाँची लगायतका पूर्वी क्षेत्रकै वर्चश्व देखिदै आएको छ । समावेशीता भनिएता पनि यस्ले वर्गीय रुपमा उत्पीडनमा परेकाहरुलाई उठाउन अझै सकेको देखिदैन ।