पूर्व संघीय मामिला तथा सामान्य प्रशासन मन्त्री तथा माओवादी केन्द्रकी नेतृ रेखा शर्माले राजनीतिले व्युरोक्रेसीलाई अस्थिर बनाइराख्न खोज्ने र व्युरोक्रेसीले राजनीतिलाई सकरात्मक हेर्न नसक्ने परिपाटीलाई सुधार गर्नुपर्ने बताएकी छिन् ।

Advertisement 1

नेपालको ठूल्ठूला राजनीतिक परिवर्तन भएर नेतृत्व परिवर्तन भए पनि राजनीतिक नेतृत्वले देखेको सपनालाई व्यवहारमा उतारिदिनुपर्ने स्थिर सरकार मानिएको ब्युरोक्रेसीलाई रुपान्तरण गर्न नसकिएकोमा उनले चिन्ता जाहेर गरेकी छिन् ।

६२/ ६३ को पछि राजाको ठाउँमा राष्ट्रपति,कार्यकारी प्रधानमन्त्रीको सिष्टममा मुलुक गए पनि राजनीतिक नेतृत्वले देखेको सपनालाई सफल पार्नुपर्ने त्यसलाई व्यवहारमा उतारिदिनुपर्ने स्थिर सरकार मानिएको व्युरोक्रेसीले अझैं पूरानो नीति तथा ऐनबाट परिचालित भइरहेका कारण रुपान्तरण हुन नसकेको उनको टिप्पणी छ ।

Advertisement 2

तर व्युरोक्रेसीको बारेमा कहिले पनि गम्भीरतापूर्वक नसोचिएका कारण आमूल परिवर्तनतर्फ जान नसकिएको उनको टिप्पणी छ । इकर्मचारी डटकमसँग कुराकानी गर्दै नेतृ शर्माले भनेकी छिन्, राजनीतिक नेतृत्वले देखेको सपनालाई व्यवहारमा उतारिदिनुपर्ने स्थिर सरकार मानिएको ब्युरोक्रेसीले हो ।

राजनीतिक रुपान्तरणले कसरी व्युरोक्रेसीमा परिवर्तन ल्याउने भन्दा पनि पहिलाकै ऐन, नियमबाट चलाइरहेको छ । दोश्रो, यत्रो परिवर्तन भइसकेपछि सबैभन्दा जान्ने, सुन्ने भनिएका व्युरोक्रेटहरूले रुपान्तरण खोजेनन् र समस्या भयो । असाध्य राम्रो गर्न खोज्ने युवाहरू आइरहेका छन् । उनीहरूको उर्जा पनि बिस्तारै सक्किने अवस्था देखिएको छ । व्युरोक्रेसीले आफैंलाई परिवर्तन गर्दै लैजानुपर्दछ । राजनीतिले व्युरोक्रेसीलाई अस्थिर बनाइराख्न खोज्ने, व्युरोक्रेसीले राजनीतिलाई सकरात्मक रुपले हेर्न नसक्ने स्थिति छ ।

व्युरोक्रेसीले आफैलाई परिवर्तन गर्दै लैजानुपर्ने उनको सल्लाह छ । व्युरोक्रेसीले पूरानै शैलीमा आफूलाई राखिरहनुहुँदैन । राजनीतिले व्युरोक्रेसीलाई अस्थिर बनाइराख्न खोज्ने,व्युरोक्रेसीले राजनीतिलाई सकरात्मक रुपले हेर्न नसक्ने स्थिती छ । यसलाई सुधार गर्नुपर्दछ ।