काममा दलिनु नपर्ने, हाजिर लगाए पुग्ने यस्तो ढुक्कको जागिर खाने हो भने केही गर्नु पर्दैन कर्मचारीको नेता बने पुग्छ । अहिले तिनै कर्मचारी ट्रेड युनियनको आडमा ‘साँढेहरु’ मोटाउने विकृती बढेपछि विकल्पमा जन्मिएका छन्,अर्का बालेन,जस्ले ५ हजार कर्मचारीको सर्मथनमा स्वतन्त्र निजामती कर्मचारी संगठन दर्ता गराउँदैछन् ।

Advertisement 1

राष्ट्रियस्तरका कर्मचारी संगठनका आडमा नेताहरुमात्रै मोटाउने रोगले नराम्रोसँग ती संगठनलाई गाँजेको देखिन्छ । यस्तो रोगले काँग्रेसी कर्मचारी संगठनलाई मात्र होइन,एमाले निकट कर्मचारी संगठनलाई पनि गाँजेको छ । केदार देवकोटाको बर्हिगमन पछि अहिले लेखनाथ कोइराला एमाले निकट नेपाल निजामती कर्मचारी संगठनका अध्यक्ष छन् । संगठनको आडमा लेखापाल(सुब्बा) रहुन्जेल शान्ति कोष, सरुवा रोग अस्पताल टेकूजस्ता आकर्षक कार्यालयमा बिताएका कोइरालाले बढुवा भएको एक बर्षमै पुनः अर्को आकर्षक निजामती अस्पतालमा सरुवा मिलाएका छन् । हालैमात्र महालेखा नियन्त्रकको कार्यालयले ३७५ कर्मचारीको सरुवा गर्दा लेखनाथले आफ्नो सरुवा निजामती अस्पतालमा मिलाएका छन् । निजामती अस्पतालमा लेखाअधिकृत नै लेखाको प्रमुख हुने ब्यवस्था छ । अस्पतालको खरिदमा कमिसन खानकै लागि उनले त्यहाँ आफ्नो सरुवा मिलाएको एमाले निकट कर्मचारी वृत्तमा चर्चा चल्ने गरेको छ । सरुवा बढूवामा सके आफू नसके पत्नीदेखि प्रेमिकासम्मलाई ‘मालदार’ ठाउँमा खटाउने रोगले हरि रावललाई पनि नछोइरहन सकेन ।
रावल,माओवादी निकट नेपाल राष्ट्रिय कर्मचारी संगठनका अध्यक्ष हुन् । सरकारले उपयोग गर्न दिएको बबरमहलको सरकारी जग्गामा भवन ठडाएर क्याफेलाई भाडामा लगाएर उनले मासिक ६० हजार उठाएर खाइरहेका छन् । नासु पदमा सहकारी प्रशिक्षण केन्द्रमा कार्यरत रावलले १० बर्षदेखि त्यहाँको क्वार्टर त प्रयोग गर्दै आएका उनले हालैमात्र महालेखाले गरेको सरुवामा आफ्नो पत्नी प्रमिलालाई आकर्षक मानिने परराष्ट्र मन्त्रालयमा फिट गर्न सफल भएका छन् । २०८ लेखापाल सरुवा हुँदा अन्तिम नम्बरमा रावलको नाम सरुवाको सूचीमा परेको छ । कर्मचारी संकेत नम्बर १९१८१० रहेकी प्रमीला खनाल (रावल) नापी विभागबाट राहदानी विभागमा सरुवा भएकी छिन् ।