यसै साताभित्रमा ठूलो संख्यामा कर्मचारी सरुवा गर्ने तयारीमा महालेखा नियन्त्रक
महालेखा नियन्त्रकको कार्यालयले यही साताभित्रमा ठूला संख्यामा लेखाका कर्मचारीहरुको सरुवा गर्ने भएको छ । अहिले धमाधम कर्मचारी सरुवाको सूची तयारी गर्नेदेखि संशोधन गर्नेसम्मका काममा त्यहाँका अधिकारीहरु व्यस्त रहेका छन् ।
Advertisement 1
गत भदौंमा नै हुनुपर्ने सो सेवा र समूहका कर्मचारीको सरुवा निर्वाचन आचारसंहिताका कारण रोकिएको थियो । ७५ दिने लामो आचारसंहिता अस्ति २६ मंसिरबाट फुकुवा भएसँगै लेखाका कर्मचारीहरु चलाउन लागिएको हो ।
महालेखा मातहतका ३ हजार कर्मचारीमध्ये अनुसार झण्डै ४ सय हाराहारी कर्मचारीहरु एकै लटमा सरुवा गर्न लागिएको सो स्रोतले जनाएको छ ।महालेखाका अनुसार झण्डै तीन हजार कर्मचारीमध्ये प्रक्रिया पुगेका दश प्रतिशतभन्दा बढी कर्मचारीहरुको सरुवा सूची यो लटमा निकाल्न लागिएको हो ।
Advertisement 2
महालेखाका अनुसार प्रक्रियागत रुपमा अवधि पुगेका,कार्यालयका कारण समस्यामा परेका र रिक्त रहेका स्थानमा कर्मचारीहरु सरुवा गर्न लागिएको हो ।
अहिले सरुवाको सूचीलाई अन्तिम रुप दिने गृहकार्य भइरहेको जनाइएको छ ।
