दाङ क्षेत्र नम्बर २ बाट एमालेका महासचिव शंकर पोखरेललाई हराउँदै माओवादीकी रेखा शर्मा सांसदमा निर्वाचित भएकी छिन् ।

Advertisement 1

बाट वाम लोकतान्त्रिक गठबन्धनबाट माओवादीकी उम्मेदवार रेखा शर्मा २६ हजार ८ सय ७७ मत प्राप्त गरि प्रतिनिधिसभामा विजयी हुँदा शंकरले २६ हजार ६ सय ८१ मत प्राप्त गरेर पराजित भएका छन् ।
रेखाले १९६ मत अन्तरले पोखरेलाई पराजित गरिन् ।
यस अघि संघीय मामिला तथा सामान्य प्रशासन मन्त्रालय चलाइसकेकी रेखा जनयुद्धताका झण्डै एक वर्षसम्म सेनाको चरम यातनागृहमा गुजारेर आमूल परिवर्तनका लागि लडेका पात्र हुन् । उनको पती कृष्णध्वज खड्का यस अघि लुम्बिनी प्रदेशको आर्थिक मामिलामन्त्री चलाए ।

जनयुद्धकालमा कृष्णध्वज र रेखाकै टाउकाको मूल्य तोकिएको थियो ३५ हजार । गोरखाको बर्दबहादुर गणमा नर्कजस्तो यातना भोगेका कृष्ण र रेखालाई सेनाले चक्कुले चरचरी चिरेका दाग र खतहरू अझै देखिन्छन् ।

Advertisement 2

शर्माले ०४२ सालदेखि नै राजनीतिक यात्रा प्रारम्भ गरेकी हुन । ०४८ सालमा अखिल नेपाल महिला संघ (क्रान्तिकारी) को दाङ अध्यक्ष हुँदै दुइ बर्ष पछि अनेमसंघ (क्रान्तिकारी)को केन्द्रीय सदस्य बनेर काम गरिन । ०५३ पछिको एक कार्यकाल अनेम संघ (क्रान्तिकारी) को केन्द्रीय अध्यक्ष हुँदै ०५७ सालमा पार्टीको केन्द्रीय सदस्य बनेकी शर्मा काठमाडौं उपत्यका उपब्युरो इन्चार्ज भइन् । त्यही क्रममा २०५८ चैतमा श्रीमान् कृष्णध्वज खड्कासँगै चाबहिलबाट पक्राउ परेर तत्कालीन शाही नेपाली सेनाको ललितपुरस्थित राजदल गण र पोखराको सैनिक व्यारेकमा कठोर यातना झेल्न परेको छ ।

एक वर्षको कष्टकर यातनापछि खुला आकाशमा आउँदासमेत यो जोडीले पार्टीबाट अनेकन प्रताडना भोग्नुपरेको थियो ।

०७४ सालको निर्वाचनमा रेखा समानुपातिकबाट सभासद् मात्र बनिनन् ओली सरकारको ९ महिने कालमा संघीय मामिला तथा स्थानीय विकासमन्त्री बनिन् ।
प्रतिनिधिसभाअन्तर्गत चोलेन्द्रसमशेर राणाविरुद्ध महाभियोग सिफारिस समिति सदस्यको रूपमा रेखाले काम गरिसकेकी छिन् ।