सन्दीपको मुद्दामा बहस सकियो, कस्तो आउला आदेश ?
क्रिकेटर सन्दीप लामिछानेलाई लागेको नाबालिग बलात्कारको मुद्दामा पीडितको पक्षबाट जवाफी बहस सकिएको छ।
जिल्ला अदालत काठमाडौँमा निलम्बित कप्तान सन्दीप लामिछानेविरुद्ध परेको मुद्दामा थुनछेक बहस सकिएको हो । लामिछानेविरुद्ध परेको मुद्दामा जिल्ला न्यायाधिवक्ता कृष्णा भण्डारी र निजी वकिल शान्ति रिसाल काफ्लेले जवाफी बहस सकेका छन्।
Advertisement 1
बिहीबार लामिछानेको तर्फबाट बहस भएको थियो भने शुक्रबार सरकारी वकिलले जवाफी बहस गरेका हुन् । जवाफी बहस सकिएसँगै केहीबेरमै आदेश आउने अदालतका सूचना अधिकारी दीपक दाहालले जनाएका छन् ।
गत मंगलबारदेखि जिल्ला अदालत काठमाडौंका न्यायाधीश माधवप्रसाद घिमिरेको इजालसमा जारी सुनुवाइमा जवाफी बहस सकिएसँगै अब थुनछेकको आदेश आउन लागेको हो।
Advertisement 2
आदेश तयारी भएसँगै शुक्रबार अपरान्हसम्ममा यो मुद्दामा न्यायाधीश घिमिरेले कारागार पठाउने या रिहा गर्ने निर्णय दिनेछन्।
