Advertisement 1

राजनीति देशको मूल नीति हो। यसैको अगुवाईमा राज्यका अरू नीतिहरू कार्यान्वयन हुन्छन्। यसको असफलतामा अरू नीतिहरूको सफलता कल्पना मात्र हुन्छ।

जहां नीतिको कुरा आऊछ, त्यहां नेत्तृत्वको कुरा पनि संगसंगै उठ्छ। अर्थात नीतिलाई जीवन दिने काम नेत्तृत्त्वको हो। त्यसैले राजनीतिलाई नेत्तृत्त्व गर्न सक्ने ब्यक्तिलाई राजनेता भनिन्छ।

Advertisement 2

नेपालको राजनीतिक ईतिहासलाई केलाउदा सो कोटीमा राख्न सक्ने ब्यक्ति मुस्किलले १र२ जना भेटिएला तर त्यसले निरन्तरता नपाएकोले मुलुक हाल यस्तो दुरावस्थाबाट गुज्रिदै गएको छ।

नेपालमा यूवाहरू देश भित्र अडिन सक्ने अवस्था विगतका परिस्थितिले सृजना गर्न नसक्नाले हाल नेपालको ठूलो कृयाशील जनशक्ति विदेशिएको पाईन्छ। त्यसै गरी केही पढेलेखेका र चेतनशील यूवाहरूमा राजनीति प्रति वितृष्णा उत्पन्न भएको अवस्था छ। हाम्रा वर्तमान नेताहरूले राजनीतिलाई पेशा बनाए, राजनीतिलाई विकृति र विसंगतिको खेल मैदान बनाएकोले नेपालको यूवाहरूमा राजनीति प्रति वितृष्णा फैल्याउन मद्दत गर्यो। यसरी दशकौ सम्म यूवाहरू राजनीतिक भूमिका बाट पृथक रहदा देश दुर्घटनामा पर्ने जोखिम बढ्दै गयो। पुराना नेताले देश सन्चालन गर्न नसकेको कुरा छर्लंग हुदै गयो तर पनि बुढाहरूले राजनीतिमा यूवाहरूलाई अगाडि बढ्न नदिएर गठबन्धनको लठ्ठीको सहारामा अगाडि बढ्न खोजिरहेका छन्। यो परिस्थिति बुझेर होला नेपालका यूवाहरू चाहे ती डाक्टर हुन् चाहे ती ईन्जिनियर हुन चाहे ती वैज्ञानिक हुन् सबैले नेपालको राजनीतिमा हाल चासो लिन खोजेको देखिएको छ। यसको परीक्षण यस पटकको स्थानीय तहको निर्वाचनमा पनि भयो र देशको राजधानी र देशको अन्य केही शहरी क्षेत्रमा यो परीक्षण सफल पनि भयो। यसबाट नेपालको यूवा शक्ति अभिप्रेरित भएर यही मंसीर ४ मा हुन गै रहेको संसदीय निर्वाचनमा सहभागिता जनाउन खोज्दै छ जुन मुलुक र मुलुकवासीका लागि हर्षको विषय बनेको छ।

नेपाल बहुदलीय ब्यबस्थामा आधारित प्रजातान्त्रिक मुलुक हो। यहा बहुलबाद र बहु बिचारको कदर हुनु पर्छ तर यसकै माध्यमबाट राजनीति गर्ने नेताले यो अवधारणालाई टिक्न दिएनन्। यिनीहरूमा बहुदलीय र प्रजातान्त्रिक संस्कार भएन। यिनीहरूमा परिवारवाद बढ्दै गयो, राजनीतिलाई सेवा हैन पेशा बनाए। यो राजनीतिक कुसंस्कारलाई अन्त्य गर्न यी बुढाहरूबाट संभव थिएन। त्यसैले यसको सुधारका लागि यूवाहरू अगाडि आउनुको बिकल्प थिएन। फेरि यी बुढाहरूले राजनीतिक दललाई ढल जस्तो फोहोर बनाएर युवाहरूको प्रवेशलाई वन्द गरिदिए। दल भित्र यूवाहरू प्रवेश गर्ने बाटो नभए पछि यूवाहरू स्वतन्त्र रूपले राजनीतिमा प्रवेश गर्न बाध्य भएका छन्।

अब मतदाता चनाखो र जिम्मेवार हुने बेला आएको छ। अब मतदाताले सही र खराव प्रतिस्पर्धी छुट्याएर सही प्रतिस्पर्धी छनौट गर्नु पर्ने घडी आएको छ। समयमा मतदाताबाट विवेक पुर्याउन सकिएन भने थप अर्को अवधि पछुताउनु पर्ने छ। यसैले विगतमा असफल भएका नेतालाई छनौट गरेर आफ्नो खुट्टामा बन्चरो हान्ने काम अब नगरौ।

अहिले हाम्रो राजनीतिक बजारमा सक्षम उम्मेद्वार समेत देखा परेका छन्। यस पटकको निर्वाचनमा देश बनाउन अगाडि आएका सक्षम यूवालाई हाम्रो सार्वभौम अधिकार सुम्पौ र देश बनाउने काममा अगाडि बढौं।