किन विवादमा मुछिए निर्वाचन अधिकृत उद्धीर नेपाली ?

निर्वाचन अधिकृत उद्धीर नेपाली विवादमा तानिएका छन् । सर्वोच्च अदालतमा कार्यरत नेपालीलाई रुपन्देही क्षेत्र नम्बर २ को निर्वाचन अधिकृत बनाएर खटाइएको थियो । उनले सोही क्षेत्रबाट प्रतनिधिसभा सदस्यको लागि उम्मेदवारी दिएका २८ वर्षीय डा कमल भुसालको उम्मेदवारी त्यहाँको निर्वाचन अधिकृतको कार्यालयले खारेज गरेसँगै नेपाली विवादमा तानिएका हुन ।

Advertisement 1

नेपालीले सेटिङमा भुसालको उम्मेदवारी खारेज गरेको आरोप सत्ताधारी दलले लगाइरहेको छ । त्यहाँबाट पूर्व अर्थमन्त्री समेत रहेका विष्णु पौडेल मैदानमा छन् उनीसँग चुनावी प्रतिष्प्रर्धामा रहेका उम्मेद्धारको उम्मेदवारी नै खारेज गरिएसँगै अहिले निर्वाचन अधिकृत नेपाली विवादमा मात्र तानिएका छैनन्,उनको राजीनामा नै माग्न थालिएको छ ।

Advertisement 2

भुसालले २३ असोजमा लौरो चुनाव चिह्न रहेको हाम्रो नेपाली पार्टीबाट उम्मेदवारी दर्ता गराएका थिए । तर उनीमाथि छात्रवृत्तिमा सरकारी कोटाको छात्रवृत्ति कोटामा त्रिवि शिक्षण अस्पताल महाराजगन्जमा स्नातकोत्तर तह अध्ययन गरिरहेको उजुरी परेको थियो । सोही उजुरी परेसँगै उनको उम्मेद्धारी निर्वाचन अधिकृतले खारेज गरिदिएको हो ।
अहिले निर्वाचन अधिकृत नेपालीको एमालेबाहेक सत्ता गठबन्धनलगायतका उम्मेदवारको मनोनयन रद्द गरेको भन्दै नेपाली काँग्रेस,नेकपा माओवादी केन्द्र र नेकपा एकीकृत समाजवादीका भ्रातृ संगठनहरुले राजीनामा मागेका हुन् ।

निर्वाचन कार्यालयबाट गरिएको उम्मेदवारी खारेजीको निर्णयप्रति नेपाल तरुण दल,वाइसिएल नेपाल, युवा संघ नेपाल तथा कमल भुसाल पक्षधरलगायत युवाहरुले गम्भीर ध्यानाकर्षण भएको जनाएका छन् । निर्वाचन कार्यालय, रुपन्देही क्षेत्र नम्बर २ लाई बुझाइएको ध्यानाकर्षणमा निर्वाचन अधिकृतले अनेक प्रपञ्च रचेकाले निजलाई तत्काल निश्कासन गरेर पुनः निर्वाचन कार्यतालिका सार्वजनिक गर्न चेतावनीसहित अनुरोध गरिएको छ ।

Advertisement 3

यो विवादमा मुछिएका नेपालीले एमालेको नुन पानी खाएको आरोप लाग्न थालेको छ । कर्मचारी स्रोतका अनुसार,नेपाली अघिल्लो निर्वाचनमा एमालेबाट गण्डकी प्रदेशको सांसद बनेकी जुनादेवी नेपालीका श्रीमान् हुन् । यस्का अलवा उनी राष्ट्रियसभाका अध्यक्ष गणेश तिमल्सिनाको सचिव भएरसमेत काम गरेका थिए ।

प्रकाशित :२०७९ आश्विन २७, बिहीबार ११:४९

यो खबर पढेर तपाईलाई कस्तो महसुस भयो ?

0%

like

0%

love

0%

haha

0%

wow

0%

sad

0%

angry