लुम्बिनी प्रदेश सरकारले त्यहाँका कर्मचारीहरुलाई पाँच दिने पर्यटन काज बिदा दिने भएको छ । प्रदेश सरकारले आन्तरिक पर्यटन काज कार्यक्रम (सञ्चालन तथा व्यवस्थापन) (पहिलो संशोधन) गत असार १३ मा भएको हो । सो कार्यविधि यही साउन महिनाबाट लागू हुने छ ।
कार्यविधिमा जम्मा ९ वटा बुँदा छन् । जहाँ आन्तरिक पर्यटन काजमा जानका लागि ,संघबाट कामकाजका लागि खटिइ एक बर्ष पूरा गरेका र सेवा करारमा कार्यरत रही एक बर्ष पूरा भएका कर्मचारीहरुले मात्र पर्यटन काज बिदा पाउने छन् ।
आन्तरिक पर्यटन काजका लागि स्थल छनौंट गर्दा कर्मचारीले प्रदेशभित्र घुम्न लागेको ठाउँ आफैं छनौंट गर्न पाउने छन् तर आफ्नो स्थायी बसोबास भएको जिल्लाका गन्तव्य र हाल बहाल रहेको जिल्लामा रहेका पर्यटकीय स्थल रोज्न पाइने छैन ।
कार्यविधिमा एक पटकमा तीन जना कर्मचारी भ्रमणमा जान सक्ने, २५ हजार रुपैयाँ भुक्तानी पाइने उल्लेख छ । आन्तरिक पर्यटन काज भ्रमण पूरा गरी कार्यालयमा हाजिर भएको १५ दिन भित्र काजमा जाने कर्मचारीले प्रतिवेदन पेश गर्नुपर्छ ।