स्वास्थ्य राज्यमन्त्री हिराचन्द्र केसीकाे २०३२ साल पुस ६ गते सल्यान जिल्लामा जन्म भएको हाे । बाबा रामबहादुर खत्री र आमा लिलादेवी खत्रीको काेखवाट छैटौं सन्तान तथा जेठाे छाेराकाे रुपमा उहाँको जन्म भएको हाे । बाबा रामबहादुर सल्यान जिल्ला थारमारे गाउँ पञ्चायतकाे ३/३ पटक प्रधानपञ्च हुनुभएकाले उहाँ पनि सानैदेखि राजनीतिमा सक्रिय हुनुभएको हाे । कर्णाली प्रदेशकाे सल्यान जिल्लामा जन्मेर २०४८ सालेखि राजनीतिमा प्रवेश गर्नुभएका केसी अहिले भने दाङ जिल्लाकाे लुल्सीपुर उपमहानगरपालिका ५ का स्थायी वासिन्दा हुनुहुन्छ । अति शालिन र भद्र हिराचन्द्र केसी २०४८ सालमा अनेरास्ववियुमा जाेडिदै २०५१ सालमा नेपाल कम्युनिस्ट पार्टीको सदस्यता प्राप्त गर्नुभएको हाे ।

Advertisement 1

२०५२ सालमा त्रिभुवन विश्वविद्यालय अन्तरगत दाङ घाेराई वहुमुखी क्याम्पस स्ववियु सचिवमा निर्वाचित हुँदै केसी २०५३ सालमा युवा सघं दाङकाे सह-संयाेजककाे जिम्मेवारी लिनुभयाे। तत्कालीन राप्ती अञ्चल युवा सघं ईन्चार्ज,मध्य पश्चिम युवा सघं प्रमुख, युवा सघं केन्द्रीय सचिवालय सदस्य ,युवासघं केन्द्रीय अनुशासन आयाेग अध्यक्ष हुँदै तत्कालीन नेकपा एमाले दाङ जिल्ला कमिटी सदस्य समेतकाे भुमिका सफलताका साथ निभाउनुभएकाे छ । दाङ जिल्ला सचिवालय सदस्य,क्षेत्रिय कमिटी ईन्चार्ज,आर्थिक विभाग प्रमुख, २०६९ सालमा सगंठन विभाग प्रमुख हुँदै दाङ जिल्ला कमिटी सचिव बन्नुभएका मध्यम परिवारमा जन्मनुभएका हिराचन्द्र केसी राजनीतिमा चतुर खेलाडीका रुपमा मानिन्छन् ।

राजनिती शास्त्रमा स्नातकोत्तर तह उत्तीर्ण हिराचन्द्र केसीको विवाह भने २०५६ सालमा रेखा केसीसगँ भएको हाे । उहाँका १ छाेरा र १ छाेरी रहेका छन । पर्ख र हेरकाे निति अवलम्बन गर्ने केसी २०७४ सालमा दाङ जिल्लाको प्रतिनिधि सभा निर्वाचन क्षेत्र ३ वाट निर्वाचित हुनुभएको हाे ।

Advertisement 2

सानै देखि खराे स्वभावका धनी उहाँ नेकपा विभाजन भएपछि नेकपा एमालेमै रहनुभएकाे थियाे । तर केपी वलीले संविधानविपरीत ससंदकाे दुई दुईपटक हत्या गरेपछि केपी वली प्रवृत्तिको आलाेचना गर्दै विपक्षमा लाग्नुभयाे । सविधानविपरीत ससंद विघटनसङै केपी वलीले पाटीलाई समेत आफ्नो शर्मा कम्पनी वनाउन थालेपछि त्यहाँवाट विद्रोह गरेर माधव कुमार नेपालकाे अध्यक्षतामा एकीकृत समाजवादी पाटी गठन गरि एकीकृत समाजवादी पार्टीमा उहाँ लाग्नुभएको हाे । निष्ठाकाे राजनीतिमा सक्रिय उहाँ हाल नेपाल कम्युनिस्ट पार्टी एकीकृत समाजवादीका केन्द्रीय सदस्य हुनुहुन्छ । विभिन्न आन्दोलनका क्रमा अग्रस्थानमा रहेर नेतृत्व गर्ने हिराचन्द्र केसी आन्दोलन र राजनीति यात्राको क्रममा धेरै चाेटी प्रहरी हिरासतमा समेत पर्नुभएकाे छ ।