सरकार १० हजार कर्मचारीको दरबन्द्यी कटौती गर्ने भएको छ । कर्मचारी प्रशासनलाई चुस्त दुरुस्त राख्न भन्दै सरकारले कम्तिमा १० प्रतिशत कर्मचारीको दरबन्दी कटौती गर्न लागेको हो । आगामी आर्थिक वर्ष २०७९÷८० को बजेट बक्तव्यमै सरकारी कर्मचारीको दरबन्दी १० प्रतिशतले कटौती गर्नै उल्लेख गरिएको छ । बजेट वक्तव्य अनुसार नै संघीय मामिला तथा सामान्य प्रशासन मन्त्रालयले कर्मचारीहरुको दरबन्द्यी कटौती गर्ने प्रक्रिया अघि बढाउने तयारी गरिरहेको छ ।

Advertisement 1

संघमा कर्मचरी समायोजन गरिँदा ४८ हजार दरबन्दी स्वीकृत गरिएकोमा अहिले ५३ हजार हाराहारी कर्मचारी कार्यरत रहेको हुँदा संघमै स्वीकृत दरबन्दीभन्दा सात हजार बढी कर्मचारी कार्यरत रहेका कारण ती दरबन्दी कटौती हुने संघीय मामिला तथा सामान्य प्रशासन मन्त्रालयका प्रशासन सुधार, जनशक्ति , योजना तथा विकास महाशाखा प्रमुख नारायणप्रसाद अर्याल सुनाउँछन् । उनका अनुसार,निजामती,स्वास्थ्य,संसद र स्थानीय तहका कर्मचारीको बढी भएको दरबन्दी कटौती गर्दै लगिनेछ । त्यस्का लागि एउटा समिति बन्नेछ र समितिको सुझाबको आधारमा दरबन्दी कटौती गर्दै लगिने अर्याल सुनाउँछन् ।

यस्का अलवा कतिपय विभाग, बोर्ड, परिषद्, केन्द्र अनावश्यक संरचना खारेज हुनेछ । यस्का अलवा दरबन्दीअनुसार काम गरिरहेका कर्मचारीहरूलाई स्वेच्छिक अवकाश लिन लगाउने विकल्प छ । स्वेच्छिक अवकाश लिन लगाएर सेवाबाट बाहिरिन प्रोत्साहन गर्ने र ती पदमा रिक्त हुन आएको दरबन्दी खारेज गर्न सकिने अर्यालले बताए। यस्तै उपल्ला तहको अनावश्यक दरबन्दी नै खारेज गर्न सकिने जनाइएको छ ।