अञ्जनकुमार‌ हिमाल
एउटा भनाइ छ नि सुरूवातको पहिलो पाइलामा तिमीले भन्नै पर्छ हो, म सक्छु । जब हिक्मत नै नहुनेहरु हरेक पाइलामा थकानको महसुस गर्छन् । जीवनको आजसम्मको यात्रामा कति आरोह अवरोहको गल्छेडा भोगे तर जन नेता मदन भण्डारीले भने झै राजनीतिमा होस् वा कर्मनीतिमा कहिले थकान भन्ने शब्दले गलाएन तेजबहादुर शेरचनलाई ।
इच्छाकामना गाउँपालिकामा उनलाई खासै परिचित गराई राख्नुपर्दैन । लामो समयदेखि विभिन्न सामाजिक कर्ममा लागेका उनै शेरचन अहिले इच्छाकामना गाउँपालिकाको वडा नं ५ का अध्यक्ष पद प्रत्यासी छन् । असल व्यक्तिको नीति असल कर्मबाट शुरू हुन्छ भनेझै तेजबहादुर शेरचनले निर्वाचन जिते ५ वर्षसम्म तलब भत्ता नलिने घोषणा गरेका छन्। लाखौं खर्चेर चुनाव लडेकाहरुको एउटै उद्देश्य हुन्छ चुनाव जिते ब्रह्मलुट गर्ने । महत्वपूर्ण यस्ता बाचा न हिजो कसैले गरेको थियो न आजसम्म कसैले । तर शेरचन जे बोल्छन् गरेरै छाड्छन् ।
लथालिङ्ग मुग्लिङ खानेपानी उपभोक्ता समितिमा जब उनको इन्ट्री भयो सुधारका तमाम काम फत्ते गरे ।आज मुग्लिनमा सफा शुद्ध पिउने पानीको कुनै अभाव छैन । उनले नेतृत्व समालेका मर्स्याङ्दी बहुउद्देश्य सहकारी संस्था लिमिटेडमा कुनै चुहावट हुन पाएको छैन । सफा दिलका शेरचन उस्तै पारदर्शी छन र त निर्वाचित भए अध्यक्ष बापत पाउने तलब भत्ता वडामा रहेका अल्पसख्यक चेपाङ समुदायको स्वास्थ्य विमामा र उपेक्षित एवं गरिव परिवारको स्वास्थ्य विमामा खर्चिने जनाएका छन् ।
दशौं वर्ष साविक दारेचोक गाविसमा एमालेको नेतृत्व समालेका शेरचन दुई कार्यकाल नेकपा एमालेको जिल्ला समिति सदस्य थिए।
०७४ को स्थानीय निर्वाचन मै गाउँपालिकाकै अध्यक्षमा तयारी गरेका थिए । टसमस नगरेको भए टिकट पाउन त्यत्ति असहज थिएन । तर अड्डी कसेनन् त्यागको राजनीति कल्चर स्वीकारे । अहिले वडा नं ५ को जनता एवं पार्टीले उनको विकल्प देखेन । इमान्दार, कर्मठ योद्धाको पर्याय हुन उनी । उनको नारा छ आफू भ्रष्टाचार गर्न, पैसा कमाउन र सेवा सुविधा लिने हैन वडाको समृद्धि र विकासमा योगदान गर्न उम्मेदवारी परेको जनाएका छन् ।