सरकारले लामो समयदेखि रिक्त रहेको २० वटा मुलुकमा राजदूत नियुक्तिका लागि सिफारिस गरेको छ । आज बसेको क्याविनेट बैंठकले राजदुत नियुक्तिका लागि २० जनाको नाम सिफारिस गरेको हो । जसमध्ये राजनीतिक कोटाबाट १२ जना र परराष्ट्र सेवाका ८ जना राजदूत नियुक्तिका लागि सिफारिस भएको छ ।
सरकारले निर्वाचन आचारसंहिता लाग्नु अघि व्यापक राजनीतिक नियुक्तिहरु गरेको हो ।

Advertisement 1

प्रस्तावित राजदूतमा एकीकृत समाजवादीबाट मिलन तुलाधर रुस, कैलाश राज पोखरेल रहेका छन् । पोखरेल नेकपा एकीकृत समाजवादीका अध्यक्ष माधव नेपालका बहिनी ज्वाइँ हुन । यस्तै सरकारको नियुक्तिका कारण फिर्ता भएकी शर्मिला पराजुली साझा उम्मेद्धारको रुपमा सिफारिस भएकी छिन् । यस्तै डिल्लीराज पौडेललाई मलेसिया लागि सिफारिस गरिएको छ । डेनमार्कका लागि प्रा डा रामरामशुरज राय र साउदी अरेबियाका लागि नवराज सुवेदी रहेका छन । त्यस्तै माओवादीबाट विष्णुपुकार श्रेष्ठ रहेका छन ।
यस्का अलवा दानवहादुर तामाङ दक्षिण अफ्रिका, बाशुदेव मिश्र श्रीलंका, शान्ता रिजाल इजरायल, ज्योति प्याकुरेल दक्षिण कोरिया, नरेश विक्रम ढकाल रहेका छन ।

त्यस्तै परराष्ट्र सेवाका कर्मचारीबाट घनश्याम भण्डारी, हरिशचन्द्र घिमिरे, तीर्थराज वाग्ले, डोरनाथ यादव, शुशिल कुमार लम्साल, भरतकुमार रेग्मी, निर्मलराज काफले र दुर्गा बहादुर सुवेदी रहेका छन ।