मन्त्रिपरिषद् हेरफेर हुनसक्ने !
नेकपा माओवादी केन्द्रका अध्यक्ष पुष्पकमल दाहाल प्रचण्डले मन्त्रिपरिषद हेरफेरको सम्भावना रहेको बताएका छन्।
Advertisement 1
यसबारे कुराकानी भइरहे पनि औपचारिक निर्णयमा नपुगिएको उनले बताए। आजै प्रधानमन्त्री शेरबहादुर देउवासँग प्रचण्डले बालुवाटारमा भेटवार्ता गरेका थिए।
उनले मन्त्रिपरिषद् हेरफेर हुँदा माओवादीलले आफ्नो हैसियतअनुसारको भाग दाबी गर्ने बताए । यसका लागि प्रधानमन्त्रीसँग आफूले कुरा राखिसकेको प्रचण्डको भनाइ छ ।
Advertisement 2
उनले भने,‘माओवादी सबैलाई सहयोग गर्न मात्रै बनेको जस्तो भएर अब हुँदैन । जसलाई भन्यो उसैलाई प्रधानमन्त्री बनाउन पनि माओवादी नै चाहिँने तर अब मन्त्रिपरिषद् हेरफेर हुँदा हैसियत अनुसार चाहिन्छ ।’
प्रचण्डले लोकतान्त्रिक समाजवादी पार्टी पनि सरकारमा सहभागी हुने सम्भावनाबारे प्रधानमन्त्रीले आफूलाई जानकारी गराएको तर यसबारे गठबन्धनमा कुनै औपचारिक छलफल भने नभएको बताए ।
Advertisement 3
यस्तै‚ उनले गठबन्धन र सरकारमा महन्थ ठाकुर नेतृत्वको लोकतान्त्रिक समाजवादी पार्टी ९लोसपा० सहभागी हुनेबारे कुनै निर्णय नभएको प्रष्ट पारे।
‘गठबन्धनभित्र लोसपाको विषयमा छलफल भएको छैन‚’ प्रचण्डले भने‚ ‘तर, लोसपाका नेताहरूसँगको भेटवार्तालाई प्रधानमन्त्रीजीले जानकारी गराइराख्नुभएको छ। गठबन्धनको बैठकमा सरकारमा सहभागिताको पनि कुनै कुरा भएको छैन।’
उनले गठबन्धनमा नेतृत्व तहमा कुनै तिक्तता नभएको बताए। ‘माओवादी चुनाव नजित्ने भएर गठबन्धन गर्नुपर्छ भनेर लागेको होइन‚’ प्रचण्डले भने‚ ‘माओवादी आफ्नै खुट्टामा उभिएर चुनाव जित्नसक्ने अवस्था छ। गठबन्धन चुनावका लागि थिएन। लोकतन्त्र संविधानको रक्षाको लागि बनेको हो।’
