अञ्जनकुमार हिमाली

Advertisement 1

समयले फेरि एकपटक बेसीशहर नगरपालिकाको प्रमुखमा गुमानसिंह अर्याल कै पक्षमा पल्लाभारी तथा बलशाली देखिएला जस्तो छ । हुन् पनि २०४३ सालको जनपक्षिय प्रधानपञ्च देखि आजको अवस्था सम्म आइपुग्दा नेकपा एमालेले किन गुमानसिंहको विकल्प दिन सकेन ? नेता नभएरै हो र ? एमालेमा थुप्रै नेताहरु त छैन तर जनताको मन मस्तिष्कमा बास बस्न धेरैले कहाँ सक्दा रहेछन् र ! प्रधानपञ्च, गाविस अध्यक्ष हुँदै अहिले नगरपालिकाको मेयर अर्यालको शालीनता, इमान्दारिता, कर्तव्यप्रति जिम्मेवारीता, बाणीमा स्पष्टता, व्यवहारमा निष्पक्षता, आर्थिक कारोबारमा पारदर्शिता सरल व्यक्तित्वकै कारण आज पनि उहाँको लोकप्रियताको पारो ऋणात्मक छैन ।

चुनावी माहोल गर्माएको छ । सबैको ध्यान दृष्टि जिल्ला सदरमुकाम मैं बढी केन्द्रित छ । उम्मेदवार को बनाउँदा निर्बाचन जितिन्छ भन्ने अंक गणितीय हिसाब किताब शुरू भएका छन् । नेकपा छिन्नभिन्न भएको अवस्थामा कांग्रेस जुर्मुराएता पनि, उसलाई त्रास के छ भने एमालेले अर्याललाई टिकट दिन्छ कि दिन्न पर्ख र हेरको अवस्थामा छ । अर्यालले टिकट पाएको खण्डमा कांग्रेस सहितका गठबंधनलाई मूल्य चर्को पर्ने छ । भने बाहेकलाई उनीहरूले खासै भाउ दिए जस्तो देखिन्न । तर पनि एमाले सदरमुकाममा कमजोर नभएको कांग्रेसी नेता कार्यकर्ताहरु नै स्वीकार्छन् ।

Advertisement 2

संघीयताको नयाँ अभ्यास । अनुभूतिका हिसाबले पनि नयाँ, काम गर्ने तौर तरिका नयाँ । कर्मचारीहरु पुरानै ढर्राका । कयौ कुरामा मेयरसंग तालमेल अथवा स्प्रिड नमिल्ला, जनताको आवश्यकता र भावना बुझ्न नसक्दा चाहेरपनि कति काम हुन सकेनन्। तर तुलनात्मक हिसाबले बेसीशहर नगरपालिका अपेक्षाकृत नतिजा नआएको ठान्न हुन्न ।
चालु आर्थिक वर्षमा दुईसय हाराहारीमा सम्झौता भएका योजनाहरु सम्पन्न भएका छन् । नगरपालिका भित्र रिङरोड, खानेपानी, बस्ती बस्तीमा मोटरबाटो, कृषकलाई चालु बर्षमा मात्रै दुईसय हाते ट्याक्टर वितरण मात्रै गरेन, युवा युवतीलाई स्वरोजगार बनाउनका निमित्त तीनसय युवालाई ड्राइभिङ, ब्युटिसियन, मोटर मर्मत, मोवाइल मर्मत, कम्प्युटर मर्मत जस्ता प्राविधिक तालिम, चालु वर्षमा २, ३, ६ र १० नम्बर वडामा लद्यु उद्यम विकास कार्यक्रम गरिसकेको छ । सुरक्षित नागरिक आवास कार्यक्रम अन्तर्गत १ सय ३९ आवास निर्माण सम्झौता बमोजिम घर निर्माणका लागि अन्तिम किस्ता उपलब्ध गराइएको छ । भने, वडा नम्बर १ र ६ लाई बालमैत्री घोषणा गरिएको, कोभिड प्रभावित अति विपन्न परिवारलाई आर्थिक सहयोग गरिएको नगरपालिकाका प्रेस संयोजक कृष्ण केसीले जानकारी गराएका छन् ।

चालु बर्षको अवधिमा सम्पन्न गर्न बाँकी रहेका कार्यहरु तत्काल प्रारम्भ गर्ने, सम्झौता हुन बाँकी रहेका योजना तथा कार्यक्रमहरु सम्झौता गर्ने, सम्झौता भएका योजनाहरु समयमै सम्पन्न गर्नेतर्फ ध्यान दिने, उपभोक्ता समिति तथा ठेक्कापट्टा मार्फत भएका पूर्वाधारका सबै काम बैशाखसम्म जसरीपनि सम्पन्न गर्ने नगरप्रमुख अर्यालको दाबी छ । यी मात्रै कहाँ हो र सदरमुकाममा भएको पालिका । त्यसमा पनि पर्यटकीय गन्तव्य स्थलको पहिलो खुड्किला बेसीशहर नगरपालिका । आउने सानादेखि ठूलासम्मको अपेक्षा ।

पालिका प्रमुखले सकेको सबैलाई अमिलो मन पारेका कहाँ छन् र । चन्दा सहयोग, आमा समुह बाउ समुह, युवा क्लब लगायत विभिन्न संघ संगठन कसैलाई चिडाएका छैनन । छिटो समय प्रमुख प्रशासकीय अधिकृत रहेका नयाँ सोच र योजना भएका लिला वल्लभ न्यौपाने हुन वा लामो समय काम गरेका भीम प्रसाद तिवारी हुन् अर्यालको न्यायोचित व्यवहारका शुभेच्छुक हुन । हाल शुक्ला गण्डकी नगरपालिका तनहुँका प्रमुख प्रशासकीय न्यौपाने अर्यालको काम गर्ने तौर तरिकासंग प्रभावित भएको बताउँछन् । न्यौपाने आफै एउटा भिजन, काममा दक्षता र नागरिकलाई कसरी सर्वसुलभ छिटो छरितो सेवा प्रदान गर्न सकिन्छ लाग्ने कर्मचारी हुन । हुन् पनि यस्ता कर्मचारी विरल्लै होलान् ।

नगरपालिकामा फनपार्क, भ्यू टावर देखि लिएर ३र३ वटा हेलीप्याड समेत निर्माण गरिएको छ । जनताका प्रिय बनेका अर्यालको फेरि माग त्यसै कहाँ भएको हो र बेसीशहर नगरपालिकामा ।