अष्ट्रेलिया लैजाने भन्दै ठगी गरेको समाचार सार्वजनिक भएपछि दुबईस्थित जिसिडी एचआर एण्ड म्यानेजमेन्ट कन्सल्टेन्सीले विज्ञप्ति निकालेर सो समाचारप्रति आफ्नो गम्भीर ध्यानाकर्षण भएको जनाएको छ।
कम्पनीका प्रवन्ध निर्देशक रमेश श्रेष्ठले एक विज्ञप्ती जारी विज्ञप्तीमा सो कन्सल्टेन्सीले नक्कली भिजा देखाएर ठगी गरेको भन्दै विभिन्न सञ्चारमाध्यममा प्रकाशित समाचारप्रति खण्डन गर्दै तथ्यहीन,कपोकल्पित समाचारका कारण आफू दखित भएको उल्लेख गरेका छन् ।
हाल दुबईमा रहेका काजिमान बुढाथोकीलाई नक्कली भिजा देखाएर सो कम्पनीले ठगी गरेको भन्दै विभिन्न सञ्चारमाध्यमा सार्वजनिक भएका समाचारहरु प्रति कम्पनीले गम्भीर ध्यानाकर्षण भएको जनाएको छ ।
विज्ञप्तीमा अगाडि भनिएको छ, समाचारहरुमा उल्लेखित व्यक्ति काजिमान बुढाथोकीले हाम्रो कन्सल्टेन्सीबाट अष्ट्रेलियाको सब क्लास ९९८ भिसा एप्लाई गर्नु भएको भए पनि डिसेम्बर २०२० मा भिषा आएपछि अष्ट्रेलिया सरकारले कोरोनाका कारण नाका बन्द गरेको र अहिलेसम्म पनि सब क्लास ९९८ वर्गको भिषा वाहकलाई आगमनको अनुमति नदिएको जनाइएको छ ।
भिषा डुप्लीकेट हो भन्दै गरिएको अनगर्ल प्रचारमा कम्पनीले असहमति जनाउँदै काजिमान आफैले भिषाको अनलाईनमा चेक गरि अफिसियल प्रक्रिया अगाडि बढाईएको थियो । बिश्वको प्राय जुनसुकै देशको भिषा पनि निश्चित समयको लागी हुने र त्यो समय समाप्त भएपछि भिषा अनलाईनमा नदेखीने जानकारी समेत कम्पनीले स्पष्ट पारेको छ । निश्चित समयावधिका लागि मात्रै भिजा अनलाइन प्रणालीमा प्रविष्ट हुने विश्वव्यापी नियम रहेकोले सधैंभरी उक्त भिजा अनलाइनमा नदेखिइने कन्सल्टेन्सीले जनाएको छ।
जिसिडि एचआरले भने कोभिड १९ का कारण गएको डिसेम्बर २०२० देखि नै सब क्लास ९९८ वर्गको भिजावाहकलाई अष्ट्रेलिया सरकारले आगमन अनुमति नदिएकोले बुढाथोकीलाई पठाउन नसकिएको स्पष्ट पारेको छ ।

Advertisement 1