२४ घण्टामा नेपालमा थप २,४४४ जनामा कोरोना भाइरसको संक्रमण पुष्टि भएको छ। पछिल्लो २४ घण्टामा १५ हजार ३३ जनाको कोरोना परीक्षण गर्दा सो संख्यामा संक्रमित स्वास्थ्य तथा जनसंख्या मन्त्रालयले जानकारी दिएको छ ।

Advertisement 1

१० हजार ६४८ जनाको पिसिआर परीक्षण र ४ हजार ३८५ जनाको एन्टिजेन परीक्षण गरिएको थियो। संक्रमणबाट सोमबार १ जनाको मृत्यु भएको छ। हालसम्म मृत्यु हुनेको संख्या ११ हजार ६०७ रहेको छ।

नेपालमा हाल ९ हजार ५२२ जना सक्रिय संक्रमित छन्। गत २४ घण्टामा १ लाख ८० हजार ४५७ खोप लगाइएको छ। हालसम्म संक्रमितको संख्या पिसिआर परीक्षणबाट ८ लाख ३५ हजार ९२७ र एन्टिजेन परीक्षणबाट ९७ हजार ९६७ रहेको छ।

Advertisement 2

निको हुनेको संख्या ३१३ जना रहेको मन्त्रालयले जनाएको छ। हालसम्म निको हुनेको कूल संख्या ८ लाख १४ हजार ७९८ पुगेको छ।