सत्तारुढ नेकपाको सचिवालय बैठक प्रधानमन्त्रीको सरकारी निवास बालुवाटारमा सुरु भएको छ । सत्तारुढ नेपाल कम्युनिष्ट पार्टी नेकपाका महासचिव एवं सरकारका अर्थमन्त्री विष्णु पौडेलको जन्मदिन बालुवाटारमा केक काटेर मनाइएको छ । नेकपा सचिवालय बैठक सुरु हुनुअघि बैठकस्थलमै केक काटेर पौडेलको जन्मदिन मनाइएको हो ।उपाध्यक्ष बामदेव गौतमले पौडेललाई १०० वर्ष बाँच्नुहोस् र राम्रो काम गर्दै जानुहोला भनी शुभकामना दिएका थिए ।

Advertisement 1

यस अघि पार्टी मुख्यालय धुम्बाराहीमा बस्ने तय भएको बैठक अन्तिम समयमा सारिएको थियो । प्रधानमन्त्रीले ‘सुरक्षा थ्रेट’ देखाएर बैठक अन्तिम समयमा बालुवाटार सारिएको थियो । सरकारी कार्यलयमा पार्टी बैठक राखिएको भन्दै चर्काे आलोचना भएपछि पार्टी मुख्यालय धुम्बाराहीमा सचिवालय बैठक राख्न खोजिएको थियो तर सुरक्षा थ्रेटको कारण भन्दै प्रधानमन्त्री पार्टी मुख्यालय जान इन्कार गरेपछि सरकारी क्वार्टर वालुवाटारमै नेकपा सचिवालयको बैठक चलिरहेको छ ।
यसअघि शनिबार बसेको सचिवालयले मंगलबारको बैठक धुम्बाराहीमा गर्ने निर्णय गरेको थियो । अन्तिम समयमा आएर धुम्बाराहीमा बस्ने भनिएको बैठक बालुवाटार सार्दा सचिवालय अन्य सदस्यले असन्तुष्टि जनाएका छन् ।