२०२१ को सबैभन्दा भ्रष्ट व्यक्ति बने बेलारूसका राष्ट्रपति लुकासेन्को
बेलारुसका राष्ट्रपति एलेक्जेन्डर लुकासेन्को सन् २०२१ को सबैभन्दा भ्रष्ट व्यक्ति बनेका छन्।
Advertisement 1
चार अन्य फाइनलिस्टमा अफगानिस्तानका पूर्व राष्ट्रपति अशरफ घनी, सीरियाका राष्ट्रपति बशर अल असद, तुर्कीका राष्ट्रपति रेचेप तैय्यप अर्दोआन र अस्ट्रियाका पूर्व चान्सलर सेबेस्टियन कर्ज शामिल थिए ।
सीसीआरपीका अनुसार सबैभन्दा भ्रष्ट व्यक्तिको रेसमा अन्तिममा एलेक्जेन्डर लुकाशेको चुनिएका हुन्। संस्थाका अनुसार छ पत्रकार र जानकारहरुको एक प्यानलले यो फैसला गरेको हो र लुकाशेकोको नाम सर्वसम्मतिले चुनिएको हो।
Advertisement 2
उनीमाथि हजारौं शरणार्थीलाई लोभ्याएर युरोपेली मुलुकको सीमामा संकट उत्पन्न गरेको आरोप पनि छ। उनले कोरोना महामारीको गलत उपचार र त्यसबारे भ्रामक सूचना फैलाउन पनि सहयोग गरेका थिए।
६७ वर्षीय लुकासेन्कोले सन् १९९३ देखि बेलारुसमा शासन चलाइरहेका छन्। उनीमाथि आफ्ना आलोचकहरुलाई यातना दिने, प्रदर्शन गर्नेहरुलाई पक्राउ गरेर कुटपिट गर्ने गरेको आरोप छ। उनले आफैंलाई ‘बेलारुसको पिता’ घोषणा गरेका छन्।
