नेपाली कांग्रेसका पूर्वसभापति एवं पूर्वप्रधानमन्त्री कृष्णप्रसाद भट्टराईको सम्झनामा दीप प्रज्वलन गरिएको छ । सन्त नेता स्वर्गीय भट्टराईको ९८औँ जन्मजयन्तीका अवसरमा किसुनजी अध्ययन केन्द्रले आज किसुनजीको सालिकमा माल्यार्पण एवं दीप प्रज्वलन गरेको हो ।

Advertisement 1

गृहमन्त्री बालकृष्ण खाँडले राष्ट्रियताको पक्षमा सधैँ अडिग रहने नेता किसुनजी भएको बताए । “निष्ठा, आदर्श र राष्ट्रियताको पक्षमा किसुनजीले देखाएको बाटोमा कांग्रेस हिँड्नुपर्छ”, उनले भने । उनको सादगी जीवनको सबैले अनुसरण गर्नुपर्ने उनको भनाइ थियो ।

केन्द्रका अध्यक्ष अविनाश सिलवालले सन्त नेता किसुनजीले देखाएको बाटोमा कांग्रेस हिँड्न सकेमात्र उनीप्रति सच्चा श्रद्धाञ्जलि हुने बताए । विसं २०७३ मा स्थापना भएको अध्ययन केन्द्रले किसुनजीका बारेमा अध्ययन अनुसन्धान गर्नुका साथै नयाँ बानेश्वरमा किसुनजी पार्क र किसुनजीको सालिक निर्माणमा महत्वपूर्ण भूमिका खेलेको छ । उक्त पार्क तथा शालिक निर्माणमा काठमाडौँ महानगरपालिका–१० को समेत महत्वपूर्ण सहयोग रहेको छ ।