Advertisement 1

नेपाली राजनीतिमा काँग्रेसबाट कम्युनिष्ट बनेका उदाहरण धेरै छन् तर विरलै देखिने घटना हो कम्युनिष्ट विचारधारा नै त्यागेर काँग्रेस बनेको । कुनै समय जनयुद्धले खहरिएका स्पातिलो नेता हुन प्रेम तमाङ । अब ती प्रेम कहाँ प्रेम रहे र ?
लामो समय क्रान्तिमा होमिएका प्रेम तमाङ डा बाबुराम भट्टराई नेतृत्वको तत्कालिन नयां शक्ति पार्टीबाट प्रदेश सांसद भए । उनी संघीय समाजवादी हुंदै हालसम्म जसपामा थिए ।
अर्थात हसिँया हथौडाको राजनीतिबाट उदाएर रुखमुनी पुगेका छन् । कुनै समय रसुवाली जनतामाझ लोकप्रिय प्रेम तमाङले शेयर प्रकरणमा रसुवाली जनतालाई ठगे,अहिले पार्टी त्याग्दै बदल्दै काँग्रेस बनेका छन्,तर खुलेर काँग्रेस हुँ भन्न डराइ रहेका छन् कारण अहिले काँग्रेस बन्दा उनको सांसद पद जान्छ । सांसद जसपाको महाअधिवेशन प्रतिनिधि बने काँग्रेसको ।अर्थात शरिर एकातिर,मन अर्कैतिर कुनै समयका खाट्टी कम्युनिष्टको हबिगत हो यो ।

उनी अहिले यस्तो मोडमा छन कि दल त्यागौं माननीय पद गुम्ने डर । किनकी उनले दल त्याग गरेको खण्डमा संसद सदस्यता खारेज हुन्छ ।

Advertisement 2

गत मंगलबार सदरमुकार धुञ्चेमा आयोजित कार्यक्रममा तामाङको नाम महाधिवेशन प्रतिनिधिको रुपमा घोषणा गरिएको छ । धुन्चेस्थित महाधिवेशन प्रतिनिधिहरूको घोषणा गर्दा मुख्य निर्वाचन अधिकृत शर्मिला थापाले प्रेम तामाङको नाम पनि लिए पनि उनी प्रमाणपत्र लिन गएनन् । कारण यसरी प्रमाणपत्र लिएको पाइएमा उनको सांसद पद गुम्छ । जुन प्रमाणपत्र इकर्मचारी डटकमले फेला पारेको छ ।

अहिले उनी खुलेर काँग्रेसको राजनीतिमा समाहित हुन सकेका छैनन कारण राजनीतिक दल परिवर्तनसम्बन्धी व्यवस्था । अहिले उनले दल त्यागेमा सांसद पद जान्छ । त्यसैले सुटुक्क कांग्रेस छिरेर सर्वसम्मत महाधिवेशन प्रतिनिधि बनेका हुन् ।

उक्त प्रमाणपत्रमा प्रेम रसुवा जिल्लाबाट कांग्रेसको केन्द्रीय महाअधिवेशन प्रतिनिधि निर्वाचित भएको भनिएको छ ।
यसरी जसपाको सांसद काँग्रेसको प्रतिनिधि हुन पाउँछ कि पाउँदैन ? यो बिषयमा हामील प्रमुख निर्वाचन आयुक्त दिनेश थपलियासँग जिज्ञासा राख्दा थपलियाले बहुदलीय व्यवस्थामा एउटै व्यक्ति एकै पटक दुई वटा दलमा हुनै नसक्ने प्रतिक्रिया दिनुभयो । उहाँले एउटा दलको सांसद छँदा छँदै सो दलबाट राजीनामा समेत नदिइ अर्काे दलको महाअधिवेशन प्रतिनिधि हुन नैतिकताले नै नदिने जबाफ दिनुभयो । यो प्रकरणमा सांसद तमाङमाथि कारवाही गर्ने अधिकार निर्वाचन आयोगसँग नभइ सम्बन्धित दलसँग हुने थपलियाले बताउनुभयो ।
यो बिषयमा बुझ्न हामीले पूर्व प्रधानमन्त्री तथा जसपाका अध्यक्ष बाबुराम भट्टराईसँग सम्पर्क प्रयास गर्दा उहाँ सम्पर्कमा आउनुभएन ।

सोही पार्टीका नेता मनिष सुमनले तमाङलाई पार्टीले कारवाही गर्न तयारी भइरहेको सुनाउनुभयो । यस्तै पूर्व मन्त्री तथा जसपाकै नेता इस्तियाक राइले पनि जसपाको सांसद काँग्रेसको केन्द्रीय प्रतिनिधि बनेसँगै उनीमाथि कारवाही प्रक्रिया अघि बढेको बताउनुभयो ।