नेताहरुको नाममा धमाधम थप रकम निकासा
एमाले अहिले केन्द्रदेखि प्रदेशसम्म प्रतिपक्षीको भूमिकामा छ । तर, कर्मचारीले भने केपी ओलीकै इच्छाबमोजिम राज्यकोषको लाखौं रकम ओलीनिकट फाउण्डेसनको नाममा खर्चेको फेला परेको छ ।
Advertisement 1
संस्कृति, पर्यटन तथा नागरिक उड्डयन मन्त्रालयका कर्मचारीले मन्त्री र सचिव नभएको मौका छोपी मदन भण्डारी फाउण्डेसनलाई कुस्त बजेट हालिदिएका छन् ।
कात्तिक तेस्रो साता पर्यटनमन्त्री प्रेम आले, सचिव यादव कोइरालासहितको टोली लण्डन गएको मौका छोपी कर्मचारीले ओलीनिकट फाउण्डेसनको नाममा ३० लाख विनियोजन गरेको स्रोत बताउँछ ।
Advertisement 2
इकर्मचारी डटकमले मदन भण्डारी फाउण्डेसनको नाममा बजेट पठाइएकोबारे सोधनी गर्दा सचिव यादव कोइरालाले मदन भण्डारीको नाममा चलचित्र निर्माणका लागि बजेट छुट्ट्याइएको प्रतिक्रिया दिनुभयो ।
उहाँका अनुसार पृथ्वीनारायण शाह, मदन भण्डारी र बिपी कोइरालाको नाममा चलचित्र निर्माणका लागि ८० लाख छुट्ट्याइएको छ ।
