Advertisement 1

राष्ट्रिय खेलकुद परिषद् (राखेप) सदस्यसचिवका लागि युवा तथा खेलकुद मन्त्रालयले दरखास्त आह्वान गरेको छ । एक साताको समय दिएर योग्य व्यक्तिलाई सदस्यसचिव पदका लागि मन्त्रालयले शनिबार सार्वजनिक सूचना जारी गर्दै आवेदन माग गरेको हो ।

तत्कालीन सदस्यसचिव रमेश सिलवाललाई कांग्रेस सभापति शेरबहादुर देउवाको नेतृत्वमा नयाँ सरकार गठन भएपछि ३१ असोज मन्त्रिपरिषद् बैठकले बरखास्त गरेको थियो । त्यसयता राखेप सदस्यसचिव विहीन छ ।

Advertisement 2

अघिल्लो वर्ष जारी भएको ऐनमा व्यवस्था भएअनुसार राखेप सदस्यसचिव खुला प्रतिस्पर्धाबाट चयन हुनुपर्छ । यसका लागि स्नातक पास गरेको, खेलकुदमा कम्तिमा दशक अनुभव लगायतका मापदण्ड छन् ।