बलात्कार आरोपमा कार्गो संघका अध्यक्ष पक्राउ
कार्गो व्यवसायीहरुको छाता संगठन फ्रेट फरवार्डस् संघ (नेफा) का अध्यक्ष मनोज अधिकारी पक्राउ परेका छन् । १६ वर्षीया किशोरीको जाहेरीका आधारमा अधिकारीलाई महानगरीय प्रहरी वृत्त मालीगाउँको टोलीले पक्राउ गरेको हो ।
Advertisement 1
काठमाडौं प्रहरी प्रमुख एसएसपी अशोक सिंहका अनुसार जबरजस्ती करणी सम्बन्धी कसूरमा कमलपोखरी प्रहरीमा किटानी जाहेरी दर्ता भएपछि उनलाई पक्राउ गरिएको हो ।आरोपित ४९ वर्षीय अधिकारीले रातोपुलमा लगेर किशोरीलाई बलात्कार गरेको भन्दै प्रहरीमा उजुरी परेको थियो । प्रहरीका अनुसार घटना कात्तिक ८ गतेको हो । घटनापछि पीडितका तर्फबाट अधिकारीविरुद्ध प्रहरीमा बलात्कार अभियोगमा किटानी जाहेरी परेको थियो ।
कमलपोखरी प्रहरीका एक अधिकृतका अनुसार पीडित बालिकाको घाउजाँच, बयान र घटना भएको भनिएको स्थानको वस्तुस्थिति बुझ्ने काम भइरहेको छ ।
प्रकाशित :२०७८ कार्तिक २२, सोमबार १३:४५
यो खबर पढेर तपाईलाई कस्तो महसुस भयो ?
0%
like
0%
love
0%
haha
0%
wow
0%
sad
0%
