गृह मन्त्रालयले ११ सिडिओहरुको सरुवा गरेको छ । गृह मन्त्रालयले रसुवासहित ११ जिल्लाका प्रमुख जिल्ला अधिकारीहरु हेरफेर गरेको छ । गृहले शुक्रवार साँझ रसुवासहित तेह्रथुम,मुगु,भोजपुर,डोटी,महोत्तरी,डडेल्धुरा,मनाङ ,कास्की लगायतका ११ जिल्लाको प्रमुख जिल्ला अधिकारीहरु सरुवा गरेको हो ।

Advertisement 1

जस अनुसार कास्कीमा सहसचिव जयनारायण आचार्यलाई पठाइएको छ । आचार्यले नेपाल–चीन सीमा विवादबारे अध्ययन समितिका संयोजक थिए । आचार्य नेतृत्वको समितिले नेपाल–चीन सीमा विवादबारे असोज १० प्रतिवेदन बुझाएको थियो ।

रसुवाको प्रजिअको जिम्मेवारीमा रहेका आइपी ढकाललाई गृह मन्त्रालयमा तानेर त्यहाँ नवराज जैसीलाई खटाइएको छ । पाण्डे शाखा अधिकृत हुँदा लामो समय लोकसेवा आयोगमा बसेर काम गरेका कर्मचारी हुन् । केही महिना अघि उपसचिवमा बढुवा भएका पाण्डे बढुवासँगै गृहमा पदस्थापन भएका थिए । उनले केही समय गृह मन्त्रालयको कर्मचारी प्रशासन महाशाखा चलाइसकेका छन् ।

Advertisement 2

ढकाल ७७ फागुन १७ मा रसुवाको प्रजिअ बनेर खटिएका थिए । सात महिनामै उनलाई गृहमा तानिएको छ ।
यस्तै, लमजुङका प्रमुख जिल्ला अधिकारी होमप्रसाद लुइटेललाई गृहमा तानिएको छ त्यहाँ शिशिर वैद्यलाई खटाइएको छ । लुइटेललाई गत वैशाखमा मात्र त्यहाँ खटेका थिए । उनलाई ५ महिनामै गृहमा तानेर त्यहाँ वैद्यलाई खटाइएको छ ।
यस्तै गृहले तीन महिनापछि मात्र डोटीका प्रमुख जिल्ला अधिकारी खटाएको छ । डोटी विगत तीन महिनादेखि प्रजिअविहीन बनेको थियो । निमित्त प्रजिअका भरमा सञ्चालन भइरहेको जिल्ला प्रशासन कार्यालयमा मन्त्रालयले शंकरबहादुर विष्टलाई प्रजिअ तोकेको हो । विष्टले यसअघि पनि जिल्लामा सहायक प्रमुख जिल्ला अधिकारी भएर कामकाज सञ्चालन गर्दै आएका थिए ।

डोटीका प्रमुख जिल्ला अधिकारी सुनिल खनाल गत असारमा गृह मन्त्रालयमा सरुवा भएपछि डोटी प्रजिअ विहीन भएको थियो ।
यस्तै मुगु रोम बहादुर महत, भोजपुर कमल ढकाल, महोत्तरी बासु दाहाल, रविन्द्र आचार्य मनाङ, मोहनराज जोशी डडेल्धुरा, चिरञ्जिवी राना म्याग्दी, अनुज घिमिरे तेरथुम जिल्लाको प्रजिअमा खटाइएको छ ।