घिरौंला चोरी भएपछि बोक्सीको आरोप लगाउँदै महिलामाथि निर्घात कुटपिट
सुर्खेतमा एक महिलामाथि निर्घात कुटपिट गरिएको छ निहुँ भने बारीमा लगाएको घिरौंला चोरीकोमा । सुर्खेतको वीरेन्द्रनगर–३ अन्नपूर्ण टोलकी बन्दना रावलले छिमेकी डिलादेवी खड्कालाई कुटपिट गरेर उनलाई घिरौंला चोरेको र बोक्सी भएको भन्दै बन्दनाले कुटपिट गरेकी हुन् ।
Advertisement 1
बन्दनाको कुटपिटबाट घाइते भएकी डिलाई अस्पताल भर्ना गरिएको छ । अस्पतालमा उपचाररत पीडित डिलाका अनुसार बन्दनाले यसअघि कुनै सामान हराउँदा पनि चोरी गरेको आरोप लगाउँदै आएकी थिइन् । ‘अन्य सामानहरु हराए पनि मलाई नै चोरेको आरोप लगाउँथिइन् । यसपाली त घिरौंला चोरी भएछ । त्यसलाई पनि मैले नै चोरेको भन्दै बोक्सीको आरोप लगाएर उनीकी बहिनीसहित आएर कुटपिट गरे’, डिलाले भनिन् ।
डिलाको आँखामा निलडाम छ भने हातमा दाँतले टोकेपछि घाउँ बनेको छ । उनले आफूमाथि भएको अन्याय र कुटपिटविरुद्ध जिल्ला प्रहरी कार्यालय सुर्खेतमा उजुरी पनि दिएकी छन् । तर, यता बन्दनाले भने आफूले कुटेको नभइ प्रतिकार गरेको बताएकी छिन् । घिरौंला चोरी भएपछि आफ्ना छोराछोरी रिसाएको र सोध्न जाँदा उल्टै डिलाले गालीगलौज गरेपछि कुटपिट गरेको बताएकी छिन् ।
Advertisement 2
