यस्तो छ रासायनिक मल आयातको अवस्था
काठमाडौं। सरकारले हालसम्म ४ लाख ६५ हजार मेट्रिक टन रासायनिक मल आयातका लागि बोलपत्र भइसकेको स्पष्ट पारेको छ।
चालु आवमा ५ लाख ५० हजार मेट्रिक टन रासायनिक मल आयात गर्ने लक्ष्य निर्धारण गरेको छ। रासायनिक मल आयातका लागि चालु आर्थिक बर्षमा रु २८ अर्ब ८२ करोड बराबरको बजेट विनियोजन गरेको छ।
Advertisement 1
कृषि तथा पशुपन्छी विकास मन्त्रालयले उपलब्ध गराएको विवरण अनुसार यही मंसिर महिनाको दोस्रो सातासम्म २ लाख ६६ हजार ५ सय १० मेट्रिक टन रासायनिक मल आपूर्तिको क्रममा छ। त्यसमा कृषि सामग्री कम्पनीले १ लाख ८० हजार ४ सय ९१ मेट्रिक टन र साल्ट टे«डिङ कर्पोरशेनले ८६ हजार १६ मेट्रिक टन रासायनिक मल आयात गरिरहेको छ।
कृषि सामग्री कम्पनीले ८८ हजार २ सय १३ मेट्रिक टन युरिया, ९२ हजार २ सय ७८ मेट्रिक टन डीएपी मल आयात गरिरहेको छ। साल्ट टे«डिङ कर्पोरेशनले २४ हजार ४ सय ९८ मेट्रिक टन युरिया, ५३ हजार ७ सय ९५ मेट्रिक टन डीएपी र ७ हजार ७ सय २५ मेट्रिकटन पोटास आयातको क्रममा रहेको जनाएको छ।
Advertisement 2
यस्तै, कूल ८६ हजार ३ सय ३३ मेट्रिक टन रासायनिक मल गोदाममा मौज्दात छ। मौज्दातमा रहेको मध्ये कृषि सामग्री कम्पनीमा ५७ हजार ८ सय १८ मेट्रिकटन र साल्ट टेडिङ कर्पोरेशनमा २८ हजार ५ सय १४ मेट्रिक टन उपलब्ध छ।
यस्तै, आयातको क्रममा बाह््य मुलुकका विभिन्न मार्गमा १ लाख २० हजार ५ सय ९७ मेटिकटन रहेको मन्त्रालयले जनाएको छ। खेतीपातीका लागि सहज रुपमा रासायनिक मल उपलब्ध गराउन सबै प्रकारका उपाय अबलम्बन गरिएको मन्त्रालयले स्पष्ट पारेको छ।
