कुखुराको मासुको भाउ स्वात्तै घट्यो

अहिले सम्मकै उच्च मूल्य वृद्धिको रेकर्ड बनाएको ब्रोइलर कुखुराको मासुको भाउ ३० रुपैयाँले घटेको छ । वैशाख १२ गते किलोमा १० रुपैयाँले घटेर तीन सय रुपैयाँमा झरेको जिउँदो कुखुराको कोल्ड स्टोर मूल्य मंगलबार पुनः १० रुपैयाँले घटेको राष्ट्रिय कुखुरा बिक्री व्यवसायी संघले जनाएको छ ।

मंगलबारको नयाँ मूल्यअनुसार ब्रोइलर कुखुरा जिउँको कोल्ड स्टोर मूल्य २९० रुपैयाँ तोकिएको संघका सचिव देवकुमार गिरीले बताए । जिउँदो कुखुराको मासुको भाउ घटेसँगै बुधबारदेखि काठमाडौं उपत्यकामा ब्रोइलर कुखराको तयारी मासुको मूल्य चार सय रुपैयाँमा झरेको संघका अध्यक्ष जंगबहादुर बीसीले बताए । ‘वैशाख १२ को मूल्य गिरावट पछि मासुको मूल्य प्रतिकिलो ४१५ रुपैयाँमा झरेको थियो । अब चार सय रुपैयाँ कायम भएको छ,’ अध्यक्ष बीसीले भने ।

 

प्रकाशित मिति : १४ बैशाख २०७८, मंगलवार १८:२१

प्रतिक्रिया दिनुहोस्