बियर खुवाएर बसभित्र पालैपालो जबर्जस्ती करणी गरेको आरोपमा ३ जना पक्राउ

कास्की । एक महिलालाई बियर खुवाएर बलात्कार गरेको आरोपमा प्रहरीले तीन जनालाई पक्राउ गरेको छ।
कास्कीको मादी गाउँपालिका–९ घर भई पोखरा–१० अमरसिंहचोक बस्ने ३६ वर्षीय चन्द्रबहादुर थापा, मादी गाउँपालिका–१२ भगवतीटार निवासी २९ वर्षीय विनोद परियार र ३८ वर्षीय कृष्ण रानाभाटलाई प्रहरीले पक्राउ गरेको हो।
Advertisement 1
काठमाडौँबाट पोखरा पुगेकी ती महिलालाई खाजा खान जाऔँ भनी बसभित्र लगेको र बियर खुवाएको देखिएको प्रहरीको भनाइ छ। अमरसिंहचौर रोकिराखेको बसभित्र उनीहरुले पालैपालो बलात्कार गरेको प्रहरीले जनाएको छ।
तीनै जनाले महिलालाई अमरसिंहचौरमा रोकी राखेको ग १ ख ६५९५ नम्बरको बसमा लगेर ललाइफकाइ बियर खुवाएको देखिएको प्रहरीको भनाइ छ। यो वैशाख २४ गते रातको समयको घटना हो। सीआरभी अमरसिंह चोकबाट खटिएको प्रहरी टोलीले उनीहरूलाई पक्राउ गरेको कास्की प्रहरीका डिएसपी वसन्तकुमार शर्माले बताए।
Advertisement 2
तीनै जनालाई नियन्त्रणमा लिएर सामूहिक बलात्कारको कसुरमा मुद्दा चलाउनका लागि थप अनुसन्धान भइरहेको प्रहरीले जानकारी दिएको छ।