Advertisement 1

काठमाडौं । राष्ट्रिय समावेशी आयोगका अध्यक्ष र राष्ट्रिय महिला आयोगका एक सदस्यको पदावधि सकिएको छ । संवैधानिक परिषद्ले रिक्त हुँदै गरेका ती दुई पदका लागि आवेदन माग गरेको छ ।

मंगलबार सूचना जारी गर्दै परिषद्ले समावेशी आयोगका लागि अध्यक्ष र महिला आयोगमा रिक्त रहेको सदस्य पदपूर्तिका लागि दरखास्त आह्वान गरेको हो । राष्ट्रिय समावेशी आयोगका अध्यक्ष डा. रामकृष्ण तिमिल्सेना आगामी वैशाख २ गतेदेखि अवकासमा जाँदैछन् ।

Advertisement 2

बैशाख २ देखि उक्त पद रिक्त हुने भएकाले अध्यक्षका लागि परिषद्ले दरखास्त माग गरेको हो । महिला आयोगमा एक सदस्य पद रिक्त छ।
परिषद्ले योग्यता पुगेका र इच्छुक नेपाली नागरिकलाई आवश्यक आफ्नो विवरण संलग्न गरी १५ दिनभित्र आवेदन दिन आग्रह गरेको छ ।