भन्सार छली ल्याउँदै गरेको विभिन्न किसिमका सामानहरु बरामद
जिल्ला प्रहरी कार्यालय राैतहटले २०८० असाेज १५ गते विशेष सूचनाको आधारमा भन्सार छली चोरी नियन्त्रणको लागि जि.प्र.का रौतहट तथा मातहत समेतबाट खटिएको विशेष प्रहरी टोलीले जिल्ला रौतहटको विभिन्न स्थानहरुबाट अवैध रुपमा भन्सार छली चोरी पैठारी गरी लत्ताकपडा, खाद्यान्न, कस्मेटिक, ईलेक्ट्रोनिक र सोफी लगायतका सामानहरु बरामद गरेकाे छ ।
Advertisement 1
प्रहरी तस्करीका विभिन्न सामान समेत ३ वटा मोटर साइकल र १ वटा टेम्पो गाडीमा लोड गरी ओसार पसार गर्दै गरेको अवस्थामा फेला पारी विभिन्न किसिमका लत्ताकपडा, खाद्यान्न, कस्मेटिक, ईलेक्ट्रोनिक र सोफी लगायतका सामानहरु सहित बरामद गरेकाे हाे ।
मोटर साइकल ३ थान र टेम्पो गाडी १ थान गरी मूल्य रु. १२,०६,०९०।-(बाह्र लाख छ हजार नब्बे रूपैयाँ मात्र) बराबरका नियन्त्रणमा लिई आवश्यक कारवाहीको लागि मिति २०८० असाेज १५ गते गौर भन्सार कार्यालयमा बुझाईएको प्रहरीले जानकारी दिएकाे छ ।
Advertisement 2
साथै नजिकिंदै गरेको महान चाडको अवसर पारी रौतहट सीमा क्षेत्रमा हुने भन्सार छली चोरी तस्करी नियन्त्रणको लागी जिल्ला प्रहरी कार्यालय रौतहट तथा मातहत समेतबाट सक्रिय रुपमा प्रहरी टोली परिचालन गरिएको प्रहरीले जानकारी दिएकाे छ ।
