गुल्मी । गुल्मीको मदाने गाँउपालिकामा रहेको पृथ्वी उच्च माविमा शिक्षक सरुवाको बिषयलाई लिएर एमालेको अगुवाईमा जेष्ठ ४ गते मदाने गाँउपालिकाको शिक्षा शाखा र प्रमुख प्रशासकीय अधिकृतको कार्यकक्षमा गरिएको तालाबन्दी हिजो आईतबार प्रहरीले खोले पनि एमालेले आज केही संख्यामा स्कुले बालबालिकालाई समेत प्ले कार्ड बोकाएर एमालेका स्थानीय नेताहरु समेतको सहभागितामा गाँउपालिका अगाडि बिरोध प्रदर्शन गर्नुका साथै सभा गरेको छ ।

Advertisement 1

कानुन अनुसार अठार बर्ष भन्दा मुनिका बालबालिकालाई कुनै पनि आन्दोलन वा अनुचित कार्यमा सहभागी गराउन नपाईने ब्यवस्था छ । तालाबन्दीका कारण गाँउपालिकाको नियमित काम कारवाहीहरु प्रभावित हुनुका साथै आर्थिक बर्षको अन्त्य हुने समय आई सकेकाले सेवा तथा खरिदको भुक्तानी,योजना छनोट र नियमित काममा समेत असर परे पछि हिजो ईलाका प्रहरी कार्यालय पुर्कोट दहको सहयोगमा ताला खोलिएको थियो ।
पृथ्वी उच्च माविमा माविको गणित बिषयको दरबन्दीको सट्टामा नेपाली बिषय ल्याउन लागेको भन्दै एमालेले यसको बिरोध गरेको हो । बिधालय प्रशासनले भने यस बारेमा माविमा गणितको दरबन्दी एउटा मात्र भए पनि बिज्ञान बिषयका दरबन्दी स्थायी र अस्थायी गरेर ४ वटा भएकाले बिज्ञान बिषयका शिक्षकले समेत गणित बिषय पढाउन सक्ने र माविमा एउटा मात्र नेपाली दरबन्दी भएकाले आवश्यकता बमोजिम यसो गरेको बताइएको छ ।

बिगतमा पनि आवश्यकता अनुसार बिधालय प्रशासन र ब्यवस्थापन समितिको सहमति अनुसार सट्टा दरबन्दीमा ल्याउने गरेकाले अहिले पनि सोही अनुसार निर्णय गरेर जिल्ला शिक्षा समन्वयमा पठाइ सकेपछि समन्वयले पनि सहमति दिईसकेको बिधालय प्रशासनले जनाएको छ ।

Advertisement 2

आर्थिक बर्षको अन्त्य तिर कार्यालयमा कामको चाप बढीरहेको बेला एमालेले सामान्य बिषयमा बखडा झिकेर अपरिपक्वता देखाएको अन्य राजनीतिक दलले आरोप लगाएका छन् ।