सेना र सशस्त्रका आईजीपीको नगरकोटमा भेला

नेपाली सैनिक वार कलेज नगरकोटमा संचालित ‘सि.सं. ११ हाईयर कमाण्ड एण्ड म्यानेजमेन्ट कोर्ष’का उच्च अधिकृतहरुले २०८० वैशाख २१ गते सशस्त्र प्रहरी बल नेपाल प्रधान कार्यालयको स्थलगत अवलोकन तथा अध्ययन भ्रमण गरी विविध विषयमा जानकारी लिएका छन् ।
Advertisement 1
सशस्त्रका आईजीपी राजु अर्यालसहितको टोलीले आज स्थलगत अवलोकन तथा अध्ययन भ्रमण गरेको बताइएको छ । सो अवसरमा आईजीपी अर्यालले कोर्षका शिक्षार्थी अधिकृतहरुसँग अन्तरक्रिया समेत गरेको बताइएको छ । महानिरीक्षक राजु अर्यालले यस खालका अन्तरक्रिया तथा भ्रमणले एक आपसमा सुमधुर सम्बन्ध कायम राख्दै आगामी दिनहरुमा कार्यक्षेत्रमा कार्यसम्पादन गर्ने क्रममा सहजता आउने विश्वास व्यक्त गर्दै राष्ट्र र आम नागरिकको सुरक्षा, सीमा सुरक्षा, विपद् उद्धार तथा व्यवस्थापन लगायतका कार्यहरु सबैको सामूहिकप्रयासले विशिष्ट तवरले सम्पादन गर्न सकिने बताएका छन् ।
राष्ट्र र आम नागरिकको सुरक्षा, सीमा सुरक्षा, विपद् उद्धार तथा व्यवस्थापनलगायतका कार्य सबैको सामूहिक प्रयासले विशिष्ट तवरले सम्पादन गर्न सकिने आईजीपी अर्यालको भनाइ छ । त्यस्तै, उनले कोर्षका प्रशिक्षक सहायक रथी हिम्मतबहादुर विष्टलाई संगठनको तर्फबाट मायाको चिनोसमेत प्रदान गरेको जानकारी दिइएको छ ।
Advertisement 2
सशस्त्र प्रहरी वरिष्ठ उपरीक्षक राजेन्द्र खड्काले सशस्त्र प्रहरी बल नेपालको पृष्ठभूमि, सांगठनिक संरचना, काम कर्तव्य र अधिकार, सीमा सुरक्षा तथा विपद् व्यवस्थापनमा परिचालन, सुरक्षा संगठनहरुबीच समन्वय र सहकार्यका क्षेत्रहरु, विद्यमान चुनौतीलगायतका विषय प्रस्तुतीकरणमार्फत जानकारी गराएका हुन् ।
कार्यक्रममा सशस्त्र प्रहरी अतिरिक्त महानिरीक्षक नारायणदक्त पौडेल लगायतनेपाली सेना र सशस्त्र प्रहरी बल, नेपालका उच्च अधिकृतहरुको उपस्थिति रहेको सशस्त्र प्रहरी जानकारी दिएको छ ।