नेपाल कम्युनिष्ट पार्टी (एकीकृत समाजवादी)ले रसुवाको पदाधिकारी चयन गरेको छ । जिल्ला कमिटी अध्यक्ष बिष्णु देवकोटा र प्रदेश कमिटी सदस्य भरत विश्वकर्मा तथा जिल्ला समन्वय समितीका ठाकुर पौडेल नेकपा एमाले प्रवेश गरेपछि अध्यक्षमात्र घोषणा गरेको समाजवादीले बुधबार पदाधिकारी चयन गरेको हो ।

Advertisement 1

अध्यक्षमा शिव लामिछाने रहेका छन भने उपध्यक्षमा दावा तमाङ र रामप्रसाद न्यौपने चयन भएका छन । त्यस्तै सचिवमा सुजय लामा र उपसचिवमा नमिनाथ देवकोटा चयन भएका छन ।

को हुन् शिव लामिछाने ?

Advertisement 2

८ असार २८ मा जन्मिएका हुन्, शिवप्रसाद लामिछाने । माता होमकुमारी लामिछाने र पिता कृष्णप्रसाद लामिछानेको कोखबाट साविकको रसुवा, लहरेपौवा १, बेत्रावतीमा जन्मिएका शिवप्रसाद पर्यटन व्यवसायमा लामो समयदेखि कार्यरत छन् । सात जना दाजुभाइ मध्ये साहिला उनी अनेक दुःख ज्यालो गरि अध्ययन गरे । संयुक्त परिवार भएका हुनाले उत्पादन गरेको अन्नले एक वर्ष खान पुग्दैनथ्यो । ४३ सालमा कक्षा सातमा अध्ययनरत छँदा पिताको देहावशान भयो । घर अड्याउने मूल खाबो नै ढलेपछि झन् आर्थिक स्थितिले थिच्यो । गरिबीले परिवारलाई थिच्दै उनले पनि सानैदेखि कडा मेहनत र परिश्रम गर्नुपर्यो । गाँउघरको मेलापात, अर्मपर्म गरेर अध्ययनलाई निरन्तरता दिए । अध्ययनको भोक नभएको भए उनले त्यतिबेलै पढाइलाई बिट मार्थे । ४६ सालमा एस।एल।सी (हाल एसइई) अर्थात् फलामे ढोका पार गरेसँगै उनले भविष्यमा केही गर्ने अठोट कसेर काठमाडौं बत्तिए । त्यसपछि सुरु भयो संघर्षको लामो यात्रा । पर्यटन क्षेत्रमै होमिएर आफ्नो अलग पहिचान बनाउन सफल लामिछाने लामो समयसम्म ग्रामीण पर्यटन विकास मञ्च भिटोफको अध्यक्षको जिम्मेवारी समेत पूरा गरिसकेका र नेपालको पर्यटन क्षेत्रसँगै राजनीतिमा लामो समयदेखि निरन्तर छन् । यस अघि उनी जिल्ला कमिटीको सचिव थिए ।