ट्रेड युनियनको आवश्यक्तामाथि नै चर्चा र परिचर्चा भइरहँदा हालै जिल्ला प्रशासन कार्यालय अर्घाखाँचीबाट सरुवा भएका प्रजिअ शशिधर घिमिरेले कलियुगे समूहेषु बलं भवति भन्दै सेवा प्रवाह र सुदृढीकरणको सामुहिक सौदावाजीकोलागि ट्रेड युनियन आवश्यक रहेको औल्याउनु भएको थियो । जिल्लामा रहँदा बस्दा आफूलाई सफल गराउनमा सम्पूर्ण कर्मचारीहरु र ट्रेड युनियनको भूमिका रहेको बताउनु भयो ।

Advertisement 1

उहाँले ट्रेड युनियनको पहिलो लक्ष्य र उद्देश्य सेवा प्रवाह हुनु पर्ने बताउनु भयो । सेवा प्रवाहलाई तिरस्कार गरि नाफा घाटामा लाग्दा ट्रेड युनियन नकरात्मक भएको हो भन्दै सेवा प्रवाह र सामुहिक उद्देश्यको लागि एक जुट भएमा मात्र हक र अधिकार प्राप्त गर्न सकिने बताउनु भयो ।

Advertisement 2

करिब ११ महिना अर्घाखाँचीमा प्रमुख जिल्ला अधिकारीको रुपमा काम गरि गृहमन्त्रालयको मिति २०७९ माघ ०६ गतेको सरुवामा स्याङ्जा जिल्लामा प्रमुख जिल्ला अधिकारीकै रुपमा सरुवा भएका घिमिरे हालसम्मकै उत्कृष्ट प्रमुख जिल्ला अधिकारी भएको जिल्लावासीको भोगाई भएको कार्यक्रम बोल्ने वक्ताहरुले बताए ।

स्थानीय तह र संघीय तथा प्रदेश सभा सदस्यको निर्वाचन शान्ति तथा निश्पक्षरुपमा सम्पन्न गराउन प्रजिअले कर्मचारी परिचालन निर्विवादित तरिकाले भएको कर्मचारीहरुले अनुभव व्यक्त गरेका थिए ।

जिल्लामा कर्मचारीहरु वीच हुने कार्यक्रममा सहभागिता र रचनात्मक तथा सकरात्मक क्रियाकलापमा कर्मचारीहलाई सधै मार्गनिर्देशन, सहकार्य र समन्वय गरेर अगाडि बढेको भन्दै प्रमुख जिल्ला अधिकारीलाई धन्यवाद तथा आभार व्यक्त गरेका थिए ।
ट्रेड युनियनहरुलाई प्रशासकहरुले हेर्ने दृष्टीकोण सधै नकरात्मक हुने गरेकोमा उहाँबाट यस्तो किसिमको कुनै पनि व्यवहार नभएको कार्यक्रमका अध्यक्ष कृष्ण वर्माले बताएका थिए ।

ट्रेड युनियनमार्फत सेवा प्रभावमा परिवर्तन ल्याउन प्रयसरत प्रमुख जिल्ला अधिकारीले ट्रेड युनियनलाई साथमा लिएर संचालन भएका कार्यक्रमको नतिजा उत्कृष्ट आएको र अन्य संचालित कार्यक्रमको नतिजा पनि अपेक्षाकृत आउनेमा प्रजिअ लाई विश्वस्त पार्दै नेपाल निजामती कर्मचारी युनियनका जिल्ला अध्यक्ष माधव अर्याल, निजामती कर्मचारी संगठनका जिल्ला अध्यक्ष गणेश भण्डारी, राष्ट्रिय कर्मचारी संगठन निजामतीका जिल्ला अध्यक्ष यादव सापकोटा ले बताउनु भएको थियो ।

कार्यक्रममा जिल्लामा सक्रिय ट्रेड युनियनका पदाधिकारी, सुरक्षा निकायका प्रमुख, पत्रकारहरुको उपस्थिति रहेको थियो । कार्यक्रम आधिकारिक ट्रेड युनियनको समन्वय जिल्लामा क्रियाशिल ट्रेडयुनियनकर्मीहरुको उपस्थितिमा सम्पन्न भएको थियो । कार्यक्रम आधिकारिकका उपाध्यक्ष हरि डुम्रेको संचालन, प्रमुख जिल्ला अधिकारीको प्रमुख आतिथ्यता, नेपाल पत्रकार महासंघ अर्घाखाँचीका अध्यक्ष अशोक खनालको अतिथ्यता र अध्यक्षता आधिकारिकका जिल्ला अध्यक्ष कृष्ण वर्माले गरेका थिए ।