यस्तो बन्ने भयो प्रचण्डको क्याविनेट,अधिकांश नयाँ अनुहार
प्रधानमन्त्री प्रचण्डले झण्डै तीन साता पछि मन्त्रिपरिषद्लाई पूर्णता दिएका छन् । गत पुस १० मा प्रधनमन्त्री नियुक्त भएका प्रधानमन्त्री प्रचण्डले आज मन्त्रिपरिषद्लाई पूर्णता दिन लागेका हुन ।
Advertisement 1
प्रचण्डको मन्त्रिपरिषद्मा अधिकांश नयाँ अनुहार देखिएका छन् । यस पटकको क्याविनेटमा उपप्रधानमन्त्री मात्र ४ जना पुगेका छन् । राप्रपा अध्यक्ष राजेन्द्र लिङ्देन उपप्रधान तथा ऊर्जामन्त्री बन्ने भएसँगै प्रचण्डको क्याविनेटमा चार जना उपप्रधानमन्त्री हुने भएका हुन ।
विष्णु पौडेल उपप्रधानसहित अर्थ, नारायणकाजी श्रेष्ठ उपप्रधानसहित भौतिक पूर्वाधार तथा यातायात र रवि लामिछाने उपप्रधानसहित गृहमन्त्री बनिसकेका थिए अब राजेन्द्र लिङ्देन उपप्रधानसहित ऊर्जामन्त्री बन्न लागेका हुन ।
Advertisement 2
मन्त्री बन्न लागेकाहरुमा अधिकांश नयाँ अनुसार छन् । सत्तासाझेदार दलहरु बीच सिट र मन्त्रालय बाँडफाँड हिजै टुंग्याइएको थियो । जसअनुसार, एमालेले उपप्रधान तथा अर्थसहित आठ,नेकपा माओवादीले ४, रास्वपाबाट ३ जना र राप्रपाबाट २ जनाको नाम टुङ्गो लागेको छ ।
यस्तै नेकपा माओवादी केन्द्रले ,नेकपा एमालेले, राष्ट्रिय स्वतन्त्र पार्टी र राप्रपाले एक एक राज्यमन्त्री पाउने भएको छ
अहिलेसम्म टुंगो लागेका नाममा एमालेले बिमला राई पौडेल – परराष्ट्रमन्त्री बनाउने भएको छ भने पदम गिरी – स्वास्थ्य मन्त्रालय, भगवती चौधरी,हरि उप्रेतीको मन्त्रालय टुंगो लाग्न बाँकी छ । यस अघि नै दामोदर भण्डारी, राजेन्द्र राई र ज्वालाकुमारी साहले पुस ११ गते शपथ लिएका थिए । उनीहरूले अहिलेसम्म मन्त्रालय पाएका थिएनन् । एमालेले एउटा राज्यमन्त्री पनि पाउने छ ।
Advertisement 3
एमालेले रक्षा, परराष्ट्र, स्वास्थ्य तथा जनसंख्या, कृषि विकास र कानून न्याय तथा संसदीय मामिला मन्त्रालय पाउने भएको हो ।
एकमालेबाट विष्णु पौडेलबाहेकका अरु सबै नयाँ अनुहार हुन ।
यस्तै माओवादीबाट रेखा शर्मा – संचार मन्त्रालय, सुदन किराँती – पर्यटन र अमनलाल मोदी संघीय मामिला तथा सामान्य प्रशासन मन्त्रालय पाउने भएका छन् । माओवादीबाट मन्त्री बन्न लागेकामा नारायणकाज र रेखा शर्मा बाहेकका अरु नयाँ अनुहार हुन ।
रास्वपाबाट डोलप्रसाद अर्याल – श्रममन्त्री,शिखिर खनाल – शिक्षा मन्त्री र तोसिमा कार्की – स्वास्थ्य तथा जनसंख्या राज्यमन्त्री बनाउने तयारी भइरहेको छ ।उनीहरु सबै नयाँ अनुहार हुन ।
यस्तै राप्रपाबाट राजेन्द्र लिङदेन, उपप्रधान तथा उर्जा, जलस्रोत तथा सिंञ्चाई, विक्रम पाण्डे – सहरी विकास र ध्रुवबहादुर प्रधान – कानुन मन्त्री बन्दै छन् भने दीपक सिंहलाई उर्जा राज्यमन्त्री बनाइने तय भएको छ ।
