पुन अर्थ मन्त्रालयमा फर्किएका जनार्दन शर्माले फेरि पनि बिचौलियाको स्वार्थ अनुसार काम गर्न तल्लीन रहेका छन् । यस अघि विचौलिया दीपक भट्टलाई सहज हुने गरी अर्थ सचिवमा कृष्णहरि पुष्कर कर्णलाई नियुक्त गर्न भ्याएका छन् भने राजश्व सचिवमा रामेश्वर दंगाललाई ल्याइएको छ ।

Advertisement 1

त्यस्तै अर्थका ९ सहसचिवसहित ५८ जना उपसचिवको सरुवा टुंग्याइएको छ । आफू निकटका र सहज हुने कर्मचारीलाई मालदार ठाउँमा पठाइएको छ । अघिल्लो पटक अर्थमन्त्री हुँदा विचौलिया दीपक भट्टकै स्वार्थ सिद्धि हुने गरी जसरी शेखर गोल्छा र साहिल अग्रवालहरुलाई पोसिएको थियो ठीक उसैगरी फेरि पनि चुनाव खर्च उठाउने तयारी स्वरुप अर्काे चलखेलमा संग्लग्न रहेको भेटिएको छ ।

यस अघि जनार्दनले विचौलियाको रुची अनुसार नेपाल पुर्नबीमा कम्पनीको व्यापार खोसेर हिमालयन रि इन्स्योरेन्सलाई बार्षिक अर्बाैको कारोबार सुम्पिइसकेको छ । सोही प्रकरणमा कान्तिपुरको सिरोहियाले दश करोड हात पारेका थिए । अहिले फेरि चुनाव खर्च उठाउन र विचौलिया मोटाउने ढंगले हालैमात्र बीमा कम्पनीहरुको नियामक निकाय बीमा समितिले हालै मात्र लघुबीमक संस्थापना तथा दर्ता सम्बन्धी निर्देशिका, २०७९ स्वीकृत गरेर लघुविमा कम्पनीलाई लाइसेन्स बाड्ने बाटो खुलाएर पैसा उठाउने धन्दा चलाइएको छ । बीमा कम्पनीको ६५ प्रतिशत व्यवसाय खोसिने गरी बीमा समितिले लघुबीमाको लाइसेन्स बाँड्नुको पछाडि चुनाव खर्च उठाउने योजना नै प्रमुख रहेको वीमा क्षेत्रका जानकारहरु सुनाउँछन् ।

Advertisement 2

अहिले सकेसम्म एउटा प्रदेशमा दुईवटा नभए कम्तिमा एउटा लघुबीमा लाइसेन्स बाँड्ने तयारी छ, एउटा लघुबीमाको ७५ करोड पूँजी तोकिएको छ । हुन त जनार्दनकै रुचीमा यस अघि बीमा कम्पनीको संख्या बढाएर ४० पु¥याइएको थियो । अन्धाधुन्ध तवरले वीमाको लाइसेन्स गोल्छा,चन्द्र ढकाल,प्रभु बैंकका मालिक लगायतका ठूला व्यापारीक घरानालाई लाइसेन्स बाडिएको थियो । यसरी लाइसेन्स बाढेर लाखौं करोडौं रकम असुलिएकै शैलीमा निर्वाचनको मुखमा लघुवित्त कम्पनीलाई लाइसेन्स बाढेर रकम असुल्ने धन्दामा जनार्दन शर्मा,उनका स्वकीय वा सचिवालय र विचौलिया दिपक भट्टहरु लागिरहेको अर्थ मन्त्रालय स्रोतको भनाई छ ।