निजामती सेवामा कहिलेकाहीँ रमाइलो संयोग भेटिन्छ ।
एकाघरका सपरिवार निजामती सेवामा लागेका देखिएकै वा सुनिएकै हो तर एकै पटक,एउटै पदमा लोकसेवाबाट नाम निकाल्न सफल भएका उदाहरण बिरलै भेटिन्छन् ।
लोकसेवा आयोगले गत १६ माघमा ४८५ जना शाखा अधिकृतको नतिजा सार्वजनिक गर्यो । लामो समयदेखि रोकिएको सो नतिजा सार्वजनिक गर्दा यस्तै बिरलै देखिने नतिजा सार्वजनिक भयो ।
भोजपुर जिल्लाबाट मात्र ८ जनाले शाखा अधिकृतमा नाम निकाल्न सफल भए तीमध्ये एकाघरका दाजुभाई दिनेश र दिपेश खनाल एकै पटक शाखा अधिकृत बन्न सफल भए ।
यस्तै कञ्चनपुरको भीमदत्त नगरपालिका–६ ऐठपुरका यी दिदी बहिनी पार्वती र बसन्ती भट्टले एकैपल्ट शाखा अधिकृतमा उत्तीर्ण भएपछि अहिले चर्चामा यी दाजु भाई र दिदी बहिनी ।
हिजो हामीले पार्वती र बसन्तीका बारेमा प्रकाशन गरिसकेका छौं । आज दिनेश र दिपेशका बारेमा चर्चा गर्दैछौं ।
हालको अरुण गाउँपालिका वडा नम्बर २ मा जन्मिएका दिनेश प्रशासन सेवा सामान्य प्रशासन समूह र दिपेश राजश्व समूहबाट शाखा अधिकृतमा नाम निकाल्न सफल भएका छन् । दिपेशले आठ नम्बर (टप टेनभित्र) नाम निकाल्न सफल भएका छन् ।
लगातार नदीको बहावले ठूल्ठूला चट्टानहरुलाई पनि पगाल्छ भनेझैं शाखा अधिकृत बन्नका लागि उनीहरुले कम्ता पापड पेलेका छैनन् ।
भोजपुरजिल्लाको दुर्गम गाँउमा जन्मिएका खनालका दाजुभाईले सरकारी विद्यालयमा पढेका हुन ।
जीवन नियममा होइन संयोगमा चल्दछ भन्छन् ०७२ सालमा दिनेशले सुब्बामा नाम निकाले ।र,संयोग सो समयमा दिनेशको जेठी बहिनी कल्पनाले धनकुटाबाट र दिनेशले काठमाडौंबाट एकै पटक सुब्बामा खुलातर्फबाट नाम निकाल्न सफल भएका थिए ।
कल्पना अहिले नेपाल ट्ष्टको कार्यालय पोखरामा नासु पदमा कार्यरत छिन् ।

Advertisement 1

र खनाल परिवारमा ६ बर्षपछि त्यस्तै संयोग जुरेको छ । दाजु भाईले एकै पटक शाखा अधिकृतमा नाम निकाल्न सफल भएर अहिले सोही संयोग दोहोरिएको छ ।
एकाघरका सरकारी सेवामा लागेकाहरु त धेरै भेटिन्छन् तर यस्तो रमाइलो संयोग चाहिँ कमैको परिवारमा मात्र भेटिन्छ वा देखिन्छ ।
जागिरे जीवनको सिलसिलामा दिनेश अहिले लेखापाल पदमा कार्यरत रहेका छन् । उनी यस अघि जिल्ला निर्वाचन कार्यालय दोलखामा दुई बर्ष बिताए लेखापालको रुपमा । त्यहाँबाट मलेनिकामा केही समय काम गरेर । अहिले उनको पदस्थापन भएको छ संघीय मामिला तथा सामान्य प्रशासन मन्त्रालयको अतिरिक्त समूहमा ।
दिनेशकै पदचाप पछ्याउँदै उनको भाइ दिपेश लोकसेवा भिडे ०७३ वैशाखमा १८ बर्षकै उमेरमा । समाजकल्याण परिषद्मा चौथों तहको परीक्षामा पहिलो नम्बरमा नाम निकाल्न सफल भए ।

पढाईमा अब्बल र तिक्ष्ण बुद्धिका दिपेशले एसएलसीमा ७६ प्रतिशत अंक ल्याएर उत्र्तीण गरेका हुन । प्लस टुमा विज्ञानका विद्यार्थी उनले बानेश्वरमा अबस्थित एम्बिसन एकेडेमीमा डिष्टिगसन र स्नातक तहमा समेत राम्रै अंक ल्याएर पार लगाएका छन् ।
उनको पनि पदस्थापन संघीय मामिला तथा सामान्य प्रशासन मन्त्रालयको अतिरिक्त समूहमा भएका छ ।
दिनेशको परिवार नै सरकारी जागिरे हो ।
उनका पिता सरकारी शिक्षक हुन । कान्छी बहिनी करुणा निमावी स्थायी शिक्षकका रुपमा कार्यरत छिन् । उनले पनि मध्यमाञ्चलबाट खुलातर्फ नाम निकालेकी हुन । हाल मकवानपुरस्थित सिस्नेरीमा अध्यापनरत छिन् ।
परिवारै सरकारी सेवामा रहेका दिनेश भन्छन निरन्तर अध्ययन,सोप्रति सत्प्रयास,सतकर्म गरेको खण्डमा आउटपुट सही आउँने बताउँछन् ।
यो सेवामा प्रवेश गरेका र कार्यरत रहेका हरेक ब्यक्तिले आफ्नो नैतिक मूल्य मान्यता नभुल्ने र आफूलाई जनता सेवकका ठानेर काम गरेको खण्डमा निजामती सेवा सुधार्न सकिने धारण राख्छन् ।
दिनेशका दुई दाजु भाई र दुई बहिनीहरु नै सरकारी सेवामा हुनुको पछाडि आमाको ठूलो प्रेरणा रहेका दिनेश सुनाउँछन ।

Advertisement 2