नेपाल र मोरिससबीचको दोस्रो मैत्रीपूर्ण फुटबल खेल आज अपरान्ह पौने ५ बजे त्रिपुरेश्वरस्थित दशरथ रंगशालामा  हुँदै छ । पहिलो खेलमा १–० को जित निकालेपछि हौसिएको नेपाली राष्ट्रिय फुटबल टोलीले आज अफ्रिकी मुलुक मोरिससविरुद्धको दोस्रो मैत्रीपूर्ण अन्तर्राष्ट्रिय खेल्दै छ । उता मोरिससले पनि आफु दोस्रो खेल जित्दै मैत्रीपूर्ण खेलको सुखद् अन्त्य गर्न चाहन्छ ।

Advertisement 1

साढे दुई बर्षपछि अन्तराष्ट्रिय फुटबल खेलेको मोरिससले पनि नेपालसँगको दोस्रो खेलमा सकारात्मक नतिजाको अपेक्षा गरेको छ । आसन्न अफ्रिकी कप अफ नेशन्सको सुरुवाती चरणको छनोटको तयारीमा रहेको मोरिसस आफ्नो पहिलो खेलमा गरेका कमजोरीलाई सुधार्ने लक्ष्यमा रहेको छ ।

नेपाली टिमका मुख्य प्रशिक्षक अब्दुल्लाह अल्मुताइरीको रणनितिले कस्तो काम गर्छ त्यो भने हेर्न बाँकी नै छ । पहिलो पटक नेपाली भूमीमा अफ्रिकी देशसँग खेलिरहेको  प्रशिक्षक अल्मुताइरीले मोरिसससँगको दोस्रो खेलमा केहि परिवर्तन गर्नेछन । अघिल्लो खेलमा चार तीन तीनको फरमेसनमा उत्रिएको नेपाली टिमले दोस्रो खेलमा पनि यहि शैलीलाई अपनाउनेछ । उनलाई नतिजा निकालेर घरेलु दर्शकलाई खुसी पार्नुपर्ने दबाब पनि छ ।

Advertisement 2

अल्मुताइरी समर्थकलाई खुसी बनाउन जेसुकै गर्न पनि तम्तयार छन् । यद्यपि, अल्मुताइरीले खेलाडीले गल्ती नगर्दासम्म आफ्नो टिमबाट नबाहिरिने बताएका छन् । आज नेपालले जीतेको खण्डमा रेकर्ड राख्ने छ । प्रशिक्षक अल्मुताइरी दास्रो जितका लागी तम्तयार छन ।