मन्त्री आलेको आरोप :- पर्यटन बोर्डको सीइओ रेग्मीको शैक्षिक प्रमाणपत्र नै चोरीको
संस्कृति, पर्यटन तथा नागरिक उड्डयनमन्त्री प्रेम बहादुर आलेले पर्यटन बोर्डका प्रमुख कार्यकारी अधिकृत डा धनञ्जय रेग्मीलाई ‘साढे’को संज्ञा दिएकै दिन उनीमाथि फेरि अर्काे गम्भीर आरोप लगाएका छन्। यतिमात्रै होइन उनले रेग्मीको शैक्षिक प्रमाण पत्र समेत चोरीको भएको आरोप लगाएका छन् ।
Advertisement 1
विश्व पर्यटन दिवसको अवसरमा बेलायत जाँदा आफ्नो बेईज्जत गराएको भन्दै डा रेग्मीको आलोचना गर्दौ आएका मन्त्री आलेले आज पर्यटन मन्त्रालय मातहतको नागरिक उड्डयन प्राधिकरण २३ औं वार्षिक साधारण सभामा बोल्दै यस्तो आरोप लगाएका हुन । शुक्रबार नै पर्यटन बोर्डको वार्षिक उत्सवका बोर्डा सिईओ डा रेग्मीलाई साँढेको संज्ञा दिएका थिए ।
Advertisement 2
सिईओ रेग्मीले उक्त कार्यक्रममा आफूलाई बोल्ने प्लेटर्फम पनि उपलब्ध नगराएको र रक्सि खाएर देशकै बेईज्जत हुने कार्य गरेको आरोप मन्त्री आलेले लगाएका छन् । बेलायतबाट फर्किँदा ६ बोतल रक्सी लिएर आएको बिषयमा त्यहाँ भनाभन हुँदा एयरपोर्टमा कार्यरत कर्मचारीलाई दुर्व्यवहार गरेका सिइओ रेग्मी गत पुस २ गते निलम्बनमा परेका थिए । तर, सर्वोच्च अदालतले निलम्बनको निर्णय तत्काल कार्यान्वयन नगर्न अन्तरकालीन आदेश जारी गरेको छ ।
