माधव नेपालको दल दर्तापछि मन्त्रिपरिषद् विस्तारः दाहाल
काठमाडौंमा बिहीबार आयोजित कार्यक्रमलाई सम्बोधन गर्दै नेकपा माओवादी केन्द्रका अध्यक्ष पुष्पकमल दाहाल प्रचण्डले माधवकुमार नेपालले गठन गरेको नयाँ पार्टीको सनाखत हुनेबित्तिकै मन्त्रिपरिषद् विस्तार हुने बताएका छन् ।
Advertisement 1
अध्यक्ष दाहालले भने, ‘नयाँ परिस्थिति बनेसँगै प्रधानमन्त्री, माधवजी र मेरो छलफल भएको छ । नयाँ दल दर्ता भएको सनाखत हुनेबित्तिकै मन्त्रिपरिषद् टुंग्याइदिनुपर्छ भन्ने सहमति भएको छ ।’
बिहीबार बिहान प्रधानमन्त्री शेरबहादुर देउवालाई भेट्न अध्यक्ष दाहाल र नेपाल बालुवाटार गएका थिए । सो भेटमा मन्त्रिपरिषद् विस्तारबारे छलफल भएको र नेता नेपालको नयाँ दल दर्ता भएलगत्तै मन्त्रिपरिषद्लाई पूर्णता दिने सहमति भएको अध्यक्ष दाहालको भनाइ छ ।
Advertisement 2
प्रकाशित :२०७८ भाद्र ४, शुक्रबार ०५:५३
यो खबर पढेर तपाईलाई कस्तो महसुस भयो ?
0%
like
0%
love
0%
haha
0%
wow
0%
sad
0%
