राष्ट्रिय परीक्षा बोर्डले २०७७ सालको माध्यमिक शिक्षा परीक्षा कक्षा १० (एसईई) को परीक्षाफल प्रकाशन गरेको छ । प्रकाशन सँगै विवाद पनि सुरु भएको छ । विद्यालयहरूले यसपालि पनि विद्यार्थीलाई आफूखुसी अस्वाभाविक नम्बर दिएको भन्दै ।

Advertisement 1

यसपटक एसईईमा ४ लाख ८४ हजार २ सय ७८ जना सहभागी भएकामा ४ जीपीए ल्याउनेको संख्या ८ हजार ४ सय ४४ छ । त्यस्तै रोचक त सप्तकोशी नगरपालिका १० भगनी मलेठकामा भएको छ । सो स्थानको २६ वर्षिय गोपालप्रसाद सन्त ६ बर्ष देखि वैदेशिक रोजगारी मलेसियामा रहेका छन् । तर, रोचक कुरा भने उनी यो बर्षको एसईई उत्तीर्ण भएको रहस्य खुलेको छ । उनी जनता माध्यमिक विद्यालयबाट एसईईमा यस वर्ष २।७ जीपीपए ल्याएर उत्तीर्ण भएका छन् । विद्यालयका प्रधानाध्यापक श्याम चौधरीको सेटिङमै पास भएको आरोपसमेत लागेको छ । उत्तिर्ण भएका गोपालका बुबा राम सन्त सोही विद्यालयका कार्यालय सहयोगी हुन् ।

प्रधानाध्यापक चौधरीले आर्थिक लेनदेन गरी देशमै नभएको व्यक्तिलाई एसईई पास गराएको स्थानीय बासीको आरोप छ । स्थानीयका अनुसार विद्यालयका प्रधानाध्यापक श्याम चौधरीसँगको मिलेमतोमा विद्यार्थीका बुबाले परीक्षा फारम बुझाएका थिए । कोरोना महामारीका कारण भौतिक रुपमा परीक्षा नभएर आन्तिरक मूल्याङ्कनबाट नतिजा प्रकाशन गरिएको थियो । गोपाल पास भएपछि स्थानीय साथीभाइले खबर पाएका थिए । स्थानीयले खबर पाएपछि समाजिक सञ्जालमा प्रधानाध्यापक, विद्यालय, पालिका र जिल्ला शिक्षा समन्व्य ईकाई सप्तरीको आलोचना भइरहेको छ ।

Advertisement 2

पालिकामा जनगुनासो बढेपछि नगरपालिकाको शिक्षा शाखाले विद्यालयलाई एक साताभित्र स्पष्ट जवाफ र सम्पूर्ण विद्यार्थीको विवरण पेश गर्न पत्राचार गरेको छ । शिक्षा अधिकृत रमेश खड्काले विदेशमा भएको व्यक्ति एसईई परीक्षा पास भएको विषय जानकारीमा आएको र सो विषयमा विद्यालयलाई पत्राचार गरी दुईदिन भित्र सम्पूर्ण विवरण उपलब्ध गराउन निर्देशनसहित पत्राचार गरेको उनले बताए । एसईईको परीक्षा फर्म विद्यार्थी स्वयं उपस्थित भएर भर्नु पर्ने ब्यवस्था रहेको भए पनि कसरी फर्म भरेर अंक पठाइयो भन्ने विषयमा अनुसन्धान भइरहेको खड्काको भनाइ छ । यस विषयमा विद्यालयका प्रधानाध्यापक श्याम चौधरीले प्रतिक्रिया दिन मानेनन् । जिल्ला शिक्षा समन्वय इकाई सप्तरीका प्रमुख विजय मण्डलले अनुसन्धान भइरहेको बताए । जनगुनासो आए पनि ठोस प्रमाण अहिलेसम्म नआएको उनले जानकारी दिए ।

“विद्यालयसँग विवरण माग गरेका छौं । विवरण आएपछि सहीरगलत छुट्याउने हो,” उनले भने, “दोषी भए कारवाही हुन्छ ।”