महालेखा नियन्त्रक कार्यालयले सेवा निवृत्त राष्ट्र सेवक कर्मचारीको मासिक निवृत्तभरण रकम विद्युतीय कोष हस्तान्तरणबाट सोझै सम्बन्धित व्यक्तिको खातामा जम्मा हुने प्रणाली लागू गरेको छ । महालेखा नियन्त्रक कार्यालयले इलेक्ट्रोनिक फण्ड ट्रान्सफर प्रणालीबाट सो रकम सिधै सम्बन्धित व्यक्तिको खातामा पुग्ने व्यवस्था गरेको हो । यो सँगै बैंकबाट सम्बन्धित व्यक्तिको खातामा हालिदिँदा हुने हिसाब मिलानको झन्झट अन्त्य भएको छ । अब देखि सरकारले जुन दिन खर्च लेख्छ त्यही सँम्बन्धित व्यक्तिको खातामा रकम पुग्ने छ ।

Advertisement 1

कार्यालयका अनुसार अहिले निजामती, प्रहरी, जङ्गी र शिक्षकतर्फ गरी दुई लाख ७६ हजार सेवा निवृत्त राष्ट्रसेवक कर्मचारीहरू छन् । उनीहरुको निवृत्तीभरणमा मात्र बार्षिक ५५ अर्ब रुपैंया खर्च हुँदै आएको महालेखा नियन्त्रक कार्यालयको भनाई छ ।

Advertisement 2

यस अघि बैंकहरुले नै पेन्सनवालाको खातामा रकम पठाउँदै आएकोमा अब सिधै महालेखा नियन्त्रक कार्यालयले सम्बन्धित पेन्सनवालाहरुको खातामा पेन्सन रकम पठाउने भएको हो । यो प्रक्रियाले सरलीकरण र सहजीकरण भई सम्बन्धित निवृत्तभरण प्राप्त गर्ने व्यक्तिले छिटो, छरितो र प्रभावकारी सेवासमेत प्राप्त हुने महालेखा नियन्त्रक मधुकुमार मरासिनीको भनाई छ ।
यस अघि बैंकहरुले आफै सम्बन्धित व्यक्तिको खातामा पठाएबापत सरकारले उसलाई एक प्रतिशत कमिशन तिर्नुपर्थ्यो । यसकारण सरकारको ५५ करोड कमिसनकै लागि खर्च हुने गरेको थियो । अब नयाँ व्यवस्थासँगै कमिशन रकम बचत हुने भएको महालेखा नियन्त्रक मरासिनी सुनाउँछन् ।यो प्रणाली शुरुवाता भएसँगै अब पेन्सनवालाको रकम सिधै महालेखा कार्यालयमार्फत भुक्तानी हुनेछ । यस अघि बैंकहरुले पाउँदै आएको १ प्रतिशत कमिसन अब नपाउने भएका छन् । यसरी राज्यको बार्षिक ५५ करोड रकम बचत हुने भएको हो ।