विराटनगरमा प्रदेश सांसदको गाडीको ठक्करबाट ३५ वर्षीया मुकेश शर्माको ज्यान गएको छ भने २२ वर्षीया राजकुमार राजवंशी पनि घाइते भएका छन्। प्रदेश १ सभा सदस्य बिन्दिया कार्कीले प्रयोग गर्दै आएको प्रदेश ३–०१–००२ च २१३९ नम्बरको कारले बिहीबार राति एयरपोर्ट रोडमा ठक्कर दिँदा भारत कटियारीका शर्माको ज्यान गएको हो।

Advertisement 1

प्रहरीका अनुसार उक्त गाडी प्रदेश १ सभा सदस्य बिन्दियाका छोरा रोविन कार्कीले चलाएका थिए। जिल्ला प्रहरी कार्यालय मोरङका प्रहरी प्रवक्ता प्रहरी नायव उपरिक्षक मानबहादुर राईले घटनाको पुष्टि गरे। डिएसपी राईका अनुसार सडकमा हिँडिरहेको समयमा पछाडिबाट कारले दुई जनालाई ठक्कर दिएको थियो। राजवंशीको नोबेल अस्पतालमा उपचार भइरहेको राईले बताए। उनीहरु विराटनगर–४ स्थित न्यू एभरेष्ट स्टिल उद्योगमा कार्यरत मजदुर हुन्।