प्रधानमन्त्रीमा देउवा प्रस्ताव
विपक्षी गठबन्धले राष्ट्रपतिले दिएको २१ घण्टा समयावधिभित्र बहुमत जुटाएका छन् । प्रमुख प्रतिपक्षी कांग्रेस,माओवादी,नेकपा एमाले माधव नेपाल खेमा,जनता समाजवादी उपेन्द्र यादव खेमाका १४९ सांसदहरुले कांग्रेस सभापति शेरबहादुर देउवालाई प्रधानमन्त्रीमा प्रस्ताव गरेका हुन् । उनीहरुले आफ्ना पक्षधर १४९ जना सांसदको हस्ताक्षर जुटाएर अहिले राष्ट्रपति निवासमा पुगेका छन् ।
Advertisement 1
अहिले देउवा सहितका शीर्षस्थ नेताहरु शीतलनिवासमा पुगेका छन् । संविधानको धारा ७६ (५) अनुसार सरकार गठन गर्ने प्रयोजनका लागि बहुमत सांसदको हस्ताक्षर जुटेसँगै विपक्षी गठबन्धनका नेताहरु शीतल निवास पुगेका हुन् । गठबन्धनबाट प्रस्तावित प्रधानमन्त्री तथा काँग्रेस सभापतिसहित माओवादी, जसपा र एमालेको माधव कुमार नेपाल समूहका नेताहरु दावी पेश गर्नका लागि शीतल निवास लागेका हुन् ।
जसअनुसार विपक्षी गठबन्धनमा कांग्रेस ६१,माओवादी ४९,माधव नेपाल खेमा २७ र उपेन्द्र यादव खेमाबाट १३ सांसदहरुले हस्ताक्षर गरेका छन् ।
Advertisement 2
राष्ट्रपति विद्यादेवी भण्डारीले बिहीबार २१ घण्टाको समय दिएर शुक्रबार अपराह्न ५ बजेसम्मको समय दिएकी थिइन्।
