सासुको सम्पत्ति खाएको चार्जमा जल उत्पन्न प्रकोप नियन्त्रण विभागका पूर्व डिजी पक्राउ
आमालाई ठगी गरेको आरोपमा पक्राउ परेकी नेपाल राष्ट्र बैंककी निर्देशक सुष्मा रिजालको श्रीमान् कमल प्रसाद रेग्मीलाई पनि प्रहरीले आज पक्राउ गरेको छ ।
Advertisement 1
रेग्मी जल उत्पन्न प्रकोप नियन्त्रण विभागका पूर्व महानिर्देशक हुन् ।८५ वर्षीया आमा शोभा रिजाललाई ३ करोड ठगी गरेको आरोपमा सुष्मालाई गत चैत्र २२ गते महानगरीय प्रहरी परिसर काठमाडौंको टोलीले पक्राउ गरेको थियो । राष्ट्र बैंकको निर्देशक पदमा कार्यरत सुष्मा अहिले पुर्पक्षका लागी कारागारमा छिन् । सोही अभियोगमा उनका श्रीमान् कमल प्रसादलाई पनि आज पक्राउ गरिएको एसएसपी अशोक सिंहले कर्मचारीलाई बताए ।
जेष्ठ नागरिकसम्बन्धि कसुरमा उनलाई प्रहरीले पक्राउ गरेको हो ।
Advertisement 2
सुष्मा र उनका पति कमलप्रसाद रेग्मी मिलेर सासु शोभा रिजाल र ससुरा भुपेन्द्र रिजालको नाममा रहेको ३ करोडभन्दा बढी सम्पत्ति खाएको चार्ज लागेको छ । सोही चार्जमा ज्येष्ठ नागरिक ऐन–०६३ अनुसार उनलाई पक्राउ गरिएको प्रहरीले स्पष्ट पारेको छ ।
०७६ मंसिरमा मा बुवा भूपेन्द्रको मृत्युपछि शोभाले आफ्नो सम्पत्ति छोरी–ज्वाईंको जिम्मामा राखेकी थिइन् । पालन–पोषण गर्ने शर्तमा संरक्षक बनेर सम्पतीको जिम्मा लिएकी सुष्माले माछापुच्छ्रे बैंकमा राखेको पैसा र सुन अनधिकृत रुपले निकालेको आमाले दाबी गरेकी छिन् ।
