प्रतिनिधिसभा बैठक बस्दै, यस्तो छ कार्यसूची
काठमाडौं। प्रतिनिधि सभाको बैठक अहिले १ बजे बस्दैछ। बैठकमा स्वास्थ्य तथा जनसंख्यामन्त्री र कृषि तथा पशुपन्छि विकास मन्त्रीले आफ्नो क्षेत्रको प्रश्नको जवाफ दिने कार्यसूची रहेको छ।
Advertisement 1
त्यस्तै सभामुख देवराज घिमिरेले राष्ट्रियसभामा उत्पत्ति भएको शहीद दशरथ चन्द स्वास्थ्य विज्ञान विश्वविद्यालय विधेयक, २०८० माथि विचार गरियोस् भन्ने प्रस्तावलाई निर्णयार्थ प्रस्तुत गर्ने कार्यसूची पनि रहेको छ।
त्यस्तै कानून, न्याय तथा संसदीय मामिलामन्त्री अजयकुमार चौरसियाले राष्ट्रियसभामा उत्पत्ति भएको विधायनसम्बन्धी विधेयक, २०८० लाई दफावार छलफलका लागि सम्बन्धित समितिमा पठाइयोस् भनी प्रस्ताव प्रस्तुत गर्ने कार्यसूची पनि छ।
Advertisement 2
सभामुख घिमिरेले निर्देशक सिद्धान्त, नीति र दायित्वको कार्यान्वयन अनुगमन तथा मूल्यांकन समितिमा रहने सदस्यहरूको नाम प्रस्ताव गर्ने कार्यसूची रहेको संसद् सचिवालयले जानकारी दिएको छ।
