काठमाडौं। एसिसी महिला एसिया कप क्रिकेट प्रतियोगिताअन्तर्गत आज नेपाल र पाकिस्तानबीच प्रतिस्पर्धा हुँदैछ। श्रीलंकाको दम्बुला अन्तर्राष्ट्रिय क्रिकेट मैदानमा हुने उक्त खेल नेपाली समयअनुसार बेलुका सवा ७ बजेदेखि हुनेछ।

Advertisement 1

प्रतियोगितामा लगातर दोस्रो जित निकाल्दै सेमिफाइनलमा पुग्ने लक्ष्यका साथ नेपाल मैदानमा उत्रनेछ। प्रतियोगिताको पहिलो खेलमा नेपालले युएईलाई ६ विकेटले पराजित गरेको थियो।

पाकिस्तान पनि पहिलो जित निकाल्ने उद्देश्यका साथ खेल्नेछ। यसअघि भएको पहिलो खेलमा पाकिस्तान भारतसँग ७ विकेटले पराजित भएको थियो।

Advertisement 2

सन् २०१६ मा भएको एसिया कपमा यी दुई टोलीको भेट भएको थियो। पाकिस्तानले नेपाललाई ९ विकेटले पराजित गरेको थियो।