चैत ७ मा बसेको बैठकमा सार्वजनिक भएका नाममा थप गरी अन्तरपार्टी निर्देशन जारी गर्दै नेकपा एमाले (ओलीपक्ष)ले प्रदेशका सहइन्चार्ज थपेको छ।
पार्टी अध्यक्ष केपी शर्मा ओलीले चैत १३ मा जारी गरेको अन्तरपार्टी निर्देशनमा सहइन्चार्ज थपिएको छ। प्रदेश १ को सहइन्चार्जमा छ जनालाई स्थान दिइएको छ। लालबाबु पण्डित, भानुभक्त ढकाल, शेरधन राई, गुरु बराल, टङ्‍क आङ्बोहाङ (लिम्बू) राजेन्द्र गौतमलाई सहइन्चार्ज बनाइएको छ।

Advertisement 1

प्रदेश २ को सहइन्चार्जको जिम्मेवारी कानुनमन्त्री लीला श्रेष्ठलाई दिइएको छ। बागमती प्रदेशमा काशीनाथ अधिकारी, शेरबहादुर तामाङ र कृष्णगोपाल श्रेष्ठलाई सहइन्चार्ज बनाइएको छ। श्रेष्ठलाई उपत्यकाको विशेष जिम्मेवारीसमेत दिइएको छ।

गण्डकी प्रदेशमा तीन जनाले सहइन्चार्जको जिम्मेवारी पाएका छन्। किरण गुरुङ, पदमा अर्याल र लिलबहादुर थापामगरलाई उक्त जिम्मेवारी तोकिएको छ। थापामगर पूर्वमाओवादीका हुन्। लुम्बिनी प्रदेशमा चार जना सहइन्चार्ज बनेका छन्। मणि थापा, दलबहादुर राना, वैजनाथ चौधरी, गिरधारीलाल न्यौपाने सहइन्चार्ज बनेका छन्। थापा र न्यौपाने पूर्वमाओवादी हुन्।

Advertisement 2

कर्णाली प्रदेशमा लक्ष्मी पोखरेल र गुलाबजङ्‍ग शाह सहइन्चार्ज बनेका छन्। सुदूरपश्चिममा गणेश ठगुन्‍ना र नारदमुनी राना सहइन्चार्ज बनेका छन्।