भ्रमणमा रहेको सेनाको हेलिकप्टरले बिरामी महिलाको उद्धार गर्यो
उत्तर पश्चिम पृतनापति र २४ नम्बरका बाहिनिपतिको डोल्पा हवाइ भ्रमणका क्रममा रहेको नेपाली सेनाको टोलीले बिरामी महिलाको उद्धार गरेको छ । हवाइ भ्रमणका क्रममा उपल्लो डोल्पा पुगेको सेनाको हेलिकप्टरले तिन्जेबाट हेपटाइटीस बी पीडित शे–फोक्सुण्डो गाउँपालिका– ४ बस्ने २३ वर्षीया टिजिङखाँडो गुरुङलाई उद्धार गरेको हो ।
Advertisement 1
गुरुङलाई हिमाल अवलोकनको भ्रमणमा रहेको उत्तर पश्चिम पृतनापति विज्ञानदेब पाण्डे र २४ नं बाहिनीका सहायक रथी यामबहादुर सापकोटाको टोलीले उद्धार गरेको रामवाण गुल्मका गुल्मपति सेनानी अशोककुमार क्षेत्रीले जानकारी दिए ।
स्वास्थ्यचौकीमा सामान्य उपचार गराइरहेकी उनको स्वास्थ्य अवस्था नाजुक बनेपछि थप उपचारकालागि तिन्जेबाट उद्धार गरि जिल्ला अस्पताल पुर्याइएको सेनानी क्षेत्रीको भनाइ छ । उनको प्राणघाटक रोग हेपेटाइटिस बी को कारण कलेजो कमजोर भएको जिल्ला अस्पतालको भनाइ छ ।
